هل حصلك قبل كده

ا.د.فتحي الشرقاوي
أستاذ علم النفس بجامعة عين شمس

هل حصلك قبل كده..؟
إنك تكون فرحان ومبسوط..
والدنيا كلها مش سايعاك من الفرحة….
وتفضل تفكر تروح لمين يشاركك فرحتك..
ويفرح لفرحك ويسعد لسعادتك..
وفي الاخر تقوم تجري على حد وانت معتقد.
إنه هيفرح لفرحك وهيموت من الفرحة…
وفجأة تلاقي الحد ده وشه زي الجبس…
مشاعره متبلده…وانفعالاته مسطحه…
تعبيراته موتوره..وكلماته جافه..وإيماءاته بارده.
ساعتها…
بتحس بكسرة نفسك في عز فرحتك
ويجيلك احساس من جواك إن فرحتك ماتت.
و بدل ماكنت بتدور على حد يشاركك فرحتك.
بقيت محتاج حد يواسيك في خيبة أملك
ومش كده وبس بتلاقي نفسك بتلوم نفسك
وبتعتب عليها قوووي..
ايه اللي خلاني اروح للحيطه المايله دي
علشان يشاركني فرحتي ولهفتي.
#دور على نصك اللي يفرحلك مش نصك اللي يوجعك.

مجرد خاطرة.