مقالات وتقارير

فيها ايه لما يبقي عنده حساسيه من المانجه ؟! ما تسيبوه يشرب قصب ! لاما. ماترجعوش_تزعلوا

فيها ايه لما يبقي عنده حساسيه من المانجه ؟! ما تسيبوه يشرب قصب ! لاما. #ماترجعوش_تزعلوا
!
كتب : أحمد طاهر
– لما عيالكم يقفلوا علي نفسهم الاوضه بالساعات وميحبوش القعده معاكم بسبب الانتقاد والكلام اللي زي السم اللي بتوجهوه ليهم

لما يكبروا و يكرهوا كلمة ” إن شاء الله ” لأن كُل وعد توعدوه تقولوا إن شاء الله

و مايحصلش !
– لما شخصياتهم تبقي ضعيفه وما يبقاش عندهم ثقه في نفسهم لانكم ما بتديهومش

فرصه يعبروا عن اللي جواهم ودايمًا تستغبوهم لما يكرهوا الصلاه و المذاكره ! لأن من

أقل غلطه يغلطوها تسألوهم صليت إيه النهارده ؟! ذاكرت ولا لاء ؟ كأن الصلاه والمذاكره

عقاب لما اولادكم يدوروا علي الحنان بره البيت لانهم مالقهوش في حضنكم لما يكرهوا

الجواز بسبب المشاكل اللي مبتخلصش وبتولع علي اتفه الأسباب لما يكرهوا النقاش

معاكم لانكم بتقللوا من اراءهم سواء في السياسه او الحياه عامةً لما كل يوم قبل

نومهم يعاتبوكم وهما في اوضهم في سرهم و قد إيه في فجوه بينكم بسبب قلة

التفاهُم والاحتواء لما يفشلوا في الكليه اللي اخترتوهالهم بسبب تدخلكم في

مستقبلهم و منعهم عن حلمهم المؤمنين بيهم لما يكرهوا السفر معاكم في مصيف مثلاً

لأنكم بتتعصبو عليهم وممكن تقلبوا الفُسخه غَم لما يحبوا اكل المطاعم لأنكم بترفضوا

تعملوا طرق جديده في نفس الاصناف الموجوده من اكل البيت لما عيالكم يكرهوا بعض

لأنكم بتفرقوا في المعامله بينهم و تميزوا حد عن التاني .. وتتحاسبوا يوم القيامه

بجريمة الظُلم متزعلوش لما تلاقوا ابنكم أو بنتكم كاتبين علي الفيس ” كل لما أتمناه

حُضن يحتويني ” لأنكم مجربتوش تحضنوهم حتي ولو بكلمه حلوه لما يطلعوا مكلكعين

من جوا وتفيكريهم محدود بسبب كلمة ” انا وانا قدك كنت بجيب لبس كذا .. بصرف كذا!

رغم ان سيدنا علي قال : لا تربوا أولادكم علي أخلاق زمنكم فان لهم زمنًا غير زمنكم

متزعلوش قوي لما بنتك تبقي تعيسه ف حياتها الزوجيه بسبب عريس فرضتوه عليها مع

ان حقها الشرعي تتجوز اللي يعجبها حتي ولو بعد ١٠٠ سنه واما ابنكم يكسر قلب بنت

كل ذنبها انها حبته متتصمدوش يوم القيامه لما تلاقوا ذنب البنت في ميزان سيئاتكم ..

انتوا اللي قولتوا الراجل مايعيبهوش الا جيبه مترجعوش تزعلوا بعد عمر طويل لما تقابلوا

وجه كريم وعيالكم ميحنوش للقائكم لأنكم زي الطوق علي رقابيهم و بفراقكم اتنفسوا

بقوا أحرار !قال رسول الله صلي الله عليه وسلم ” رحِم الله والدًا اعان ولده علي بِره “

قال الشيخ الغزالي معلقًا على هذا الحديث: لا يجعل ولده عاقًا كارهًا له بسبب سوء

معاملته لابنه وعلي رأي حمايا.. ” يا كبار البيت اتوصوا بصغارُه بكُره صغارُه يبقوا كبارُه ! “

 
فيها ايه لما يبقي عنده حساسيه من المانجه ؟! ما تسيبوه يشرب قصب ! لاما. ماترجعوش_تزعلوا

اظهر المزيد

مقالات ذات صلة

اترك رد

شاهد أيضاً
إغلاق
زر الذهاب إلى الأعلى