فوائد الشاي الأخضر

الشاي الأخضر والشاي الأحمر ال كلنا عارفينه….معمولين من نفس ذات النبات لكن العمليات ال مروا بيها مختلفة والإختلاف ده بيخلي الشاي الأخضر في مضادات أكسده أكتر وفوائده أكتر

_ ومن الفوائد دي أنه :
_ بيكافح الحساسيه
_ ويقوي النظر  لأن نسيج العين قادر أنه يمتص مضادات الأكسدة الموجوده في الشاي الأخضر

_ بيحسن عمليه التمثيل الغذائي …وبيساعد الخلايا إنها تحس أكتر بالأنسولين….. فبيساعد مرضى السكر من النوع التاني
_ وفي دراسه وجدت أن الأشخاص ال بيشربوا 6 كوبيات شاي أخضر أو أكتر في اليوم…. بيكون نسبه إصابتهم بالسكر من النوع التاني أقل بنسبه 33%

_ المواد الموجوده في الشاي الأخضر ومضادات الأكسدة مش بس ممكن تساعد مرضى السكر……
لا دي كمان بتساعد في توسيع الشرايين وتقليل ضغط الدم….. ومنع التجلط…. وتقليل الكولسترول
وكل ده بيقلل من خطر الإصابه بأمراض القلب
ال بيكون نسبه الإصابة بيها عالية مع مرض السكر

_ مضادات الأكسدة دي مش موجوده في الشاي الأخضر بس….لا كمان في الفواكه والخضروات
_ وكمان الشاي الأخضر بيساعد على حرق الدهون لكن مش بدرجة ملحوظة
_ وكمان يقاوم سرطان الفم والبنكرياس…. لأنه بيقلل من نمو الورم
_ يدعم اللثه والاسنان
_ حمايه الجلد من الأشعة فوق البنفسجية

الفوائد دي للشاي الأخضر مش معناها أننا نسيب الدواء والعلاج ونشرب شاي اخضر

سواء كان في أدلة قطعية علي فوائد الشاي الأخضر أو لأ…. فمن المؤكد أن شرب الشاي الأخضر مفيد جدا …خصوصا أنه غني بمضادات الأكسدة.