زفة عيد الأم للشاعر عبد المنعم حمدى رضوان
زفة عيد الأم
للشاعر عبد المنعم حمدى رضوان
هى الجنة تحت أقدام الأمهات في مارس فقط بعد كده بتروح فى حتة تانية فى زفة احتفالات عيد الأم الناس اللى بيحنفلوا بيدوس على جراح وبيقلبوا المواجع على ناس كتير فقدوا أمهاتهم خاصة لو كان أمهاتهم ماتوا من وقت قريب وبخاصة الأطفال الايتام
وكمان مع زحمة الإعلانات التجاريه فى الإذاعة والتلفزيون بهدف ترويج شراء الهدايا وهو هدف تجارى صرف وغير انسانى. فى حد فكر أن فية ناس فقدوا امهاتهم وبيتالموا من الفقد وان الهيصة دى يتقلب المواجع ولا انت تحتفل عشان امك موجودة واللى ماتت أمة يطق
انا لا أعترف بعيد الأم وقد يكون هذا الرأى صادم لحضراتكم وامى رحمها الله واسكنها فسيح جناته وتغمدها بوافر رحمتة كانت تعلم ذلك وكنت أبر الأبناء بها وكنت أحب الأبناء لها
ياسادة الجنة تحت اقدام الامهات طوال العام فاهتموا بامهاتكم على الدوام واحسنوا إليهن طوال العام ولا ينسي المحتفلون أنهم بدون قصد وفى زحمة الإحتفال قد يألموا ويزيدوا من جراح من فقدوا امهاتهم خاصة الاطفال
حافظوا على خاطر البشر وراعوا مشاعرهم والنهاردة أمك عايشة ممكن السنة القادمة تكون فى رحاب المولى وساعتها هتحس بالم الفقد ووجع اليتم حتى لو كنت شيخ مسن
رحم الله كل الامهات اللاتى ودعن حياتنا وأمد الله فى عمر كل الامهات والبسهن ثوب الصحة والعافية
الأمهات عيدهن طوال العام وفضلهن طوال العمر حتى بعد مماتهن.
