دقة شاكوش ( رحم الله الحرافيش )

سعيد الشربينى
…………………
فى الايام الماضية امطرت السماء خيرآ وفيرآ مش مهم عملنا بيها آيه ربنا ما يقطع لينا عادة . بس يا خسارة راح ضحيتها ابرياء بعدما تسبب الاهمال والتسيب وعدم المتابعة فى ازهاق الارواح بالصعق الكهربائ الناتج عن الاهمال لاعمدة الكهرباء وعلى فكرة دى بتحصل من زمااااااان خالص ودا ليه لاننا ببسيط العبارة حرافيش يعنى اللى يموت زى اللى عايش مش هتفرق كتير أصل الشعب دا نصين . نص بيتعمله الفلل والقصور والمنتزهات والحماية والصيانة الكاملة . ونص ملوش لزمة حتى لو مات نصه أو كله
طيب راضين ومسلمين الآمر لله وبندعى على كل ظالم فاسد وربنا أكبر من الكل
بس كمان محدش من الحكومة أو المسئولين يخرج يبرد نار قلب الناس اللى راحت عيلها فطيس أو حد يفكر يحاسب المهمل أو المقصر دا يبقى الظلم بعينه يعنى الغلبان ملوش عيش فى البلد دى امال فين الكلام المعسل والدافى الحنين الذى يرفق به ويحنوا عليه …ساح ؟!
وبعدين السيد محافظ الشرقية آيه الاجراءات التى اتخذتها تجاه المقصريين اللذين تسببوا فى حرق قلب أم على ضناها بسبب اهمالكم ؟
أو حتى فكرت تعمل متابعة لكل الاعمدة المكشوفة والتى يخرج من بطنها الاسلاك وحاولت معالجتها حتى لاتتكرر المأساة لا أظن !
أنا عارف ان كل شئ تمام ياريس والناس فل الفل صحيح والناس بتمشى فى الشرقية على سراميك وانتر لوك لا دحنا كمان عملنا لجنة تشيل المواطن من على الارض شيل . آ آآآ ه يا بلد .. صحيح اذا رأيت قوم الغراب دليلهم فبشرهم بالخراب المبين
رحم الله الحرافيش
………………………………………..
28 / 10 / 2019