البصر والبصيره
اسماء طاحون
سايب ليا ذكري وجرح في كل لحظه معاك عشتها …
سايب وجع كان زمان مصدر سعادتي وبهجتي ..
زمان يوم ما كنت تقرر تختفي ..
كنت بروح كل مكان جمعني بيك ….
وافتكر تفاصيلك ونظره عينيك ..
شايفه الناس رايحه وجايه ..حتي انت دايما في خيالي كأنك واقف قدام عنيا ..
وافتكر )))))
هنا ضحكنا … و هنا اتخاصمنا واتصالحنا .. و هنا انا بكيت وانت بكيت …
قاعده لوحدي بس في زمن غير الزمن …ده قبل ما اعرف ايه نهايه الحكايه حتي لما كنت بتختفي في البدايه كنت بمني نفسي بأمل يتوج النهايه …
بس الأمل أصبح ألم ..وجرح لازم يتقفل . ..
يمكن عاندت وجرحي زاد والألم بقي لا يحتمل ..ويوم ما قررت اقفله سايب علامه …علامه سوده …مش مداريه ومصدر وجع صعب اوصفه …
ازاااااااااااااااي !!!!!!!
ازاي كل حاجه فجأه اتحولت ….والذكريات ال كانت سعيده اتبدلت ..فجأه الحياه اتقفلت …
والحب ال كان في قلبي ليك أصبح قرف من كل شيء جمعني بيك …
مش بكرهك !
يمكن مبقتش حتي فارق معايا …
الحب ال كان في قلبي ليك ..اتحول لشيء غريب
والحلم ال وهمت نفسي بيه أصبح كابوس …
حزني عمره يوم ما كان عليك ..حزني كان عليا أنا واخلاصي ليك …
وانت عايش توعد في ديا
وتواسي ديا ..
وأنا حد ثابت ضامن وجوده …تروح وتيجي وفجاه ترجع تختفي .. وأنا قلبي كان بيموت من الخوف عليك !
ولما ترجع وبأي كدبه وتعتذر ..وانا بكل سذاجه أصدقك واقولك ده انا كلي ليك !!
فتضمن وجودي أكتر و أكتر …
وترجع وتبعد والبعد بينا بيبقي أكبر ….
ما انا تحفه ثابته في مكانها مدياك كل الامان …
تهجر كتير وتلف اكتر ..
والتحفه ثابته ولما ترجع تلاقي منها كل اهتمام !!
مرايته عاميه وانا كنت عاميه بحبي ليك …
بس خلاص … بس خلاص
انا حبي ليك ماضي ملوش أدني حنان…
حابه اعترفلك ولا عمري يوم حسيت معاك انا بالأمان
آن الآوان ..افوق واطلع من سجن غدرك ..
محتاجه انسي …محتاجه انسي
عارف ..
انا كل مشكلتي معاك الذكريات …وأيامي ال ضاعت فداك …سايبلي ايه غير بس كره مليان آهاااااات …
سايبلي ايه غير بس جرح .. تاهو الأطبا في علاجه …
وفي النهايه مكتوب عليا اكمل عمري بيه ..
بعد ايه … بعد ايه
راجع تجرب تعتذر وتقولي أحن ليك ..
إياك تكون فاكر كلامي ده عتاب وشوق …
وبكل شوق جاي تحاسبني علي رد فعلي …
شوف البجاحه !!!!!
اصحي وفووووق …
جرب في يوم تقف في أوضه معتمه عمر عينك ما هتلقي ضوء …
انا رد فعلي ما هو غير شيء بسيط لأصل فعلك ..
تلميذه يمكن كنت خايبه بس من كتر التجارب معاك قدرت تفوق .
