أنت الأمان.. بقلم الدكتوره .ميرفت السيد

أنت الأمان
بقلم د.ميرفت السيد

كل ما كنا نسرح زمان كنا بتشخبط ع الورق و نرسم بالساعات حاجات .. و كل مرة كنت بترسم اللي نفسك في يوم تلاقيه .. اللي جوا قلبك و ممكن تكون مداريه … فينا اللي أول رسمه له كانت أسرة و ولاد و بيت هادي .. و جنينه ورود بالألوان .. و اللي رسم بحر و سما صافية و طيور مسافرة ما بين بلدان … و اللي ملي الورقه قلبين و سهم صايب في ثانيه واحدة أثنين ..و اللي ملاها علامة اليورو والدولارات .. و اللي بالقلم إتعلم يمضي إزاي ع الشيكات… غير كمان اللي أتعلم أسم حبيبه بكل اللغات … و اللي كتب أسم أول مكان قلبه اتخطف فيه … بس كان حاسس بأمان … و اللي كتبوا أسمين علي دبله عليها .. أنت الأمان.. دول أمنوا إن ربنا كتبهم لبعض من زمااان … مين فينا محصلش دة معاه .. مين شخبطه ما كانتش في يوم من الايام .. أمله في حياة ؟؟؟ .. و لا مستقبل أتمناه ؟؟؟ … و لا حب عايش لآخر العمر معاه ؟؟؟