دنيا الناس..
دنيا الناس..
بقلم د.عصام الهادى
دنيا الناس حاجة غريبة..
دنيا الناس حاجة عجيبة..
ناس فيها قاسية..
وناس فيها عايشة..
وناس ع القسوة ساكتة وشايفة ..
وناس بتنسى انها عايشة..
وناس مسافرة علشان خايفة..
ناس لها فاهمة..
وناس فيها ظالمة..
ناس فيها تايهة..
وناس فيها حايرة..
شفنا ناس بتأذى فى ناس..
وناس قلوبها زى الماس..
دنيا دايرة دنيا كبيرة..
فيها الجدع وفيها العيرة..
فيها العجب فيها الأدب..
فيها الطيبة وفيها الشغب..
فيها الناس السكّرة..
بالحب عايشة منوّرة..
فيها الغدر وفيها الحب..
فيها الوفاء وفيها الصدق..
لو تعيشها بقلب طيّب..
تلق نفسك للناس قريّب..
لو تقابل ناسك بضحكة..
تلق نفسك عايش لبكرة..
دنيا تقسى وناس بتنسى..
أى حزن وأى قسوة..
دنيا تحلى بأحلى صحبة..
ولمة حلوة وناس بتصفى..
خللى قلبك يكون كبير..
يكون مقدّر لناس كتير..
دنيا جميلة فيها العيلة..
ناس عفيفة وناس ضعيفة..
لو تفوتك لحظة حلوة..
ادعى ربك تشوفها تانى..
ولو تعيش لحظة مُرة..
هى وقت ممكن ثوانى..
خللى قلبك كبير وعادى..
قلب مؤمن صابر وراضى..
وانس همك وانس حزنك..
وانس الوقت اللى كان وماضى..
دنيا عشها بكلمة حلوة..
وقلب رايق كمان وصافى..
