بنت مصرية حرة
بنت مصرية حرة
كتب : فهيم سيداروس
طالبة ف كلية اداب أعترضت علي صوت المراقبين إثناء الأمتحان. وأعتدوا عليها بالضرب ، وأتفصلت من جامعه الأسكندرية كلها
تقول : أنا كنت ساكتة مستنية المسئولين يجبولي حقي بعد ما أتظلمت في موضوع الكلية و لكن ،أنا هنزل تفاصيل واقعة كلية الآداب جامعة الإسكندرية في خلال نص ساعة.
أنا ضد فصل ميرال رافت.. أيا كان مما حدث ، القرار تعسفي مبالغ فيه ، ولابد من إتخاذ قرارضد بلطجة بعض دكاترة الجامعات…
بإختصارطالبه كانت بتطلب من المراقب يبطل دوشة الأوراق و الأمضاءات و هما بيمتحنوا لإنها محتاجة تركيز ، وصلت دكتورة سحبت منها ورقتها و أخدتها لمكتب الدكاترة ، و ضربوها ، وعروها ، وعملولها محاضر ، وأتهموها بالغش حتي يخرجوا من الموقف ، و فصلوها ..
حتى لو رجعت هيفضلوا يعاملوها وحش و يتعمدوا يأذوهاكثيرا من الدكاتره تسببوا فى ظلم ، والأذىه لطلاب كتيره من غير عقاب ، أوحساب ، الموضوع فعلا محتاج إعاده ضوابط لهيئه تدريس الجامعات .
هذه الدكتوره تقول أحبسوها في حجره و دخلولها 3 أو 4 رجاله يبقي الوضع فعلا كله زباله..
لم نقول إن أسلوب الطالبه أفضل ، ولكن العقاب مبالغ فيه ، وفي الناحيه الإخري لم يقع عقاب علي الدكاتره
فمازال عندنا أزمه في دكاتره الجامعات ، آلهة التعليم العالي
نسبه كبيره من دكاتره الجامعات عندهم جنون العظمة..ولابد من الكشف الطبي قبل التعيين
عندما يدرك الدكتور الجامعي إنه أعلي من القانون وأعلي من الطالب و أعلي من أداره الجامعة و اللوايح يبقي عندنا كارثه…
حرفيا اعرف دكاتره سلوكهم النفسي كان مضطرب بشكل ملحوظ بالعين المجرده،، حب السيطره و انه مادته ماتتحلش و ان الطلبه كلهم فشلة و انك لازم تنجح بالعافية
اذكر موقف ان دكتور ما – بدون ذكر اسمه – كان بيجيب الطلبه اللي جايبين درجات عاليه في مادته و يمسح بيهم بلاط مكتبه اسألة شفوي عشان يوقعلهم الدرجه…
قمه المرض النفسي…
ميرال اتفصلت نهائي من جامعه اسكندريه ككل بسبب شويه دكاتره في اداب اسكندريه..
متخيل انهم بيدمروا مستقبل شخص عشان يحسوا بقيمتهم..
هفترض ان ميرال غلطانة… العقاب مبالغ فيه ينم ان حتي الجهات العليا في اداره الجامعه محتاجين اعاده تأهيل لدورهم في كيفيه اصلاح المشاكل بالمنطق مش بالعقوبات المبالغ فيها… تاهيل لكيفية احتواء ازمة ما..
انا ضد فصل ميرال رافت.. اياً كان اللي حصل القرار تعسفي مبالغ فيه
- ميرال رأفت. طالبة جميلة بتدرس في (كلية آداب / جامعة الإسكندرية). بتمتحن في أمان الله .. فإذا بالمراقبين بيعلوا صوتهم من دون أي سبب فطلبت منهم بكل إحترام وأدب .. يوطوا الصوت شوية. ردوا عليها بكل بجاحة وقلة ذوق. فهي اضطرت ترد عليهم بسبب اسلوبهم القبيح .
- رئيسة القسم. بدل ما تيجي وتفهم فين الحقيقة .. راحت وأخذت الورقة من ميرال وبدون سابق إنذار .. ميرال عشان بنت شجاعة وقوية. قررت تمشي وراها عشان تصورها راحوا اجتمعوا عليها (الدكاترة) .. ضربوها واخذوا تليفونها .. وكأن الجامعة بقت مكان للظلم والعنف ضد المرأة ! وقالت نصاً في الفيديو اللي صورته ميرال (دخلوا عليها 4 رجالة). في مكتب الدكاترة .
- ميرال .. كانت عاملة عملية صعبة. وراحت عشان محبتش إنها تأخر الإمتحان بتاعها. وللعلم ميرال مش شخص بيسكت عن حقه لأن هي عملت محاضر لمتحرشين كثير. يعني البنت دلوقتي تقريباً هيتم رفضها من الجامعة .. ومستقبلها هيضيع عشان شوية ناس فاكرين إن الجامعة إمبراطورية. مش مكان للعلم وبس. فاكرين إنهم آلهة مبيغطوش .
- زي ما احنا كلنا عارفين السلطة والكلمة العليا للدكاترة. اللي أقسم بالله نصهم بيمارس “تسلط واحتقار واضطهاد” .. مش طبيعي للطلاب .. ولو حصل من الدولة وعملت كشوفات على الدكاترة قبل ما يتدخلوا للجامعات هنلاقي إن نص الدكاترة عندهم أمراض كثير مبتخلصش .
- ميرال بتطلب من كل الناس. يكونوا جمبها في اللي حصلها ده. بتطلب دعم الهاشتاج بتاعها
سواء هنا أو على تويتر. يا أحرار في بنت محتاجة دعمنا ومحتاجة نكون جمبها .. بتمنى منسكتش وهحط ليكم (لينك صفحتها في الكومنتات). عشان ميتمش رفضها ولا القبض عليها زي ما التهديدات ما بتوصلها .
– ميرال :إنتي بنت شجاعة. كملي في حقك. يكفي إنك كشفتي لينا قد إيه في ظلم في جامعات مصر. وتفرقة وتمييز عنصري. لازم يكون لينا وقفة جادة تجاه الموضوع ده. كل الدعم يا حُرة .. بنت قوية وشجاعة وواعية .
📷
