قصة كفاح “خلود ماهر” طوّرت حياتها وتفوقت فى التسويق الأونلاين

قصة كفاح “خلود ماهر” طوّرت حياتها وتفوقت فى التسويق الأونلاين

حوار : وفاء عبدالسلام

سمعنا عن نجاح “خلود ماهر” ، الحاصلة على ليسانس الآداب قسم الإجتماع، والتى تعمل إخصائية خدمة مواطنين بالمجلس الأعلى للآثار، ووجدنا أنها ناجحة فى عملها العام والخاص، فكان هذا الحوار الذى فتحت فيه خلود ماهر قلبها وقصّت علينا
“إلى جانب عملى كموظفة حكومية، بدات الشغل فى مجال الأونلاين بالصدفة عام 2015، وخطوة خطوة، بدأت أسوّق المنتجات المستوردة، والمعروفة بمسمى منتجات للبيت ول ست البيت”.

وتضيف خلود ماهر، “بعد كده دخلت فى مجال التجميل ومنتجات التجميل الطبيعية، وخبرتي بها ساعدنى كثيراً، وكسبت ثقة الناس وأصبح العملاء والزبائن يطلبون المنتجات لثقتهم بى،
واعتمدت فى التسويق قبل البيع للعملاء بعمل تجارب للمنتجات، على نفسي، حتى اقول رأيي لمن يسألنى بكل أمانة، وبهذا الشكل لاحظت أن العملاء يستعملون المنتجات بدون تردد، وكمان بتعجبهم ويبعتولي اراءهم على صفحتى على الفيس بوك، ويشكروني، وعندي عدد كبير من الريفيوهات، والحمد لله اسمي سمع مع الناس، وحبيت اطور شغلي وافتح مجال تاني مع منتجات التجميل واخدت توكيل شركة لإستيراد المبيدات الحشرية الآمنة والمنظفات، والمنتجات عجبت الناس بطريقة غير متوقعة، وطبعاً ده حصل لإحتياجهم الحقيقي للمنتجات دي بالذات فى فصل الصيف”.
وأردفت خلود ماهر، “وصلت للنجاح ده بفضل ربنا ثم معاملتي الحسنة مع العملاء اللى بتعتمد علي الصدق والأمانة، والنظر فقط لهامش الربح البسيط، وتربطنى، ببعضهم صداقة وألفة كبيرة، ومع الوقت الجروب بئا عائلة كبيرة، والحمدلله تم تكوين فريق عمل نشيط بيشتغل معايا ويساعدني وبيدخل لهم مصدر رزق معايا عبارة عن مناديب ومسوقات وتجار بتتسوق من بضاعتنا وبتعرض وتسوق لنفسها، وفتيات وسيدات كثيرات نجحن وكبرن فى شغلها وأصبح لهم مصدر رزق وكلهن سعادة لأنهن بيشتغلوا ويعملوا حاجة بدل الفراغ الي كُنّ فيه.

وعن الحياة الأسرية والعائلية لخلود ماهر، قالت “والدي كان له دور كبير فى نجاحى وتشجيعي وساعدني ودعمني بنصايحه وانا بأهدى لبابا نجاحي علشان أفرحه، وأنا عايشة سعيدة وراضية جداً بحالي وحياتي ونجاحي وده كله بفضل الله” .