الكنيسة مفيهاش خمسة فرفشة
كلمات/محمد فتحي
الكنيسة مفيهاش خمسة فرفشة
يالى عمال تتكلم و خلاص
الكنيسة دى مهياش ملطشة
حرام عليك ده كلامك رصاص
عمال تتكلم ولا الدراويش
لسانك بينقط مر الكلام
ليه على دمك متختشيش
كفاية ظلم و أفترى و أتهام
الكنيسة دى بيت الله
مكان عبادة و تسابيح
بابها مفتوح للصلاة
متستهلش منك تجريح
أمتى بالحق يتكلم لسانك
اللى تملى بينقط مر و سم
دى نصيحة منى علشانك
حرام تفترى و تظلم و تنم
حاول تدخل الكنيسة
فى حياتك و لو مرة
هتغير أفكارك الخسيسة
متتكلمش عليها من برة
لو تدخل جوة هتلاقى
شموع قايدة بتدعى لمصر
ده قلب الكنيسة باقى
على محبة بلدنا و النصر
فى الكنيسة مفيش بوس
ولا حتى فيه أحضان
أنت اللى جواك مهووس
لأن راكبك شيطاااااان
بلا بوس بلا زنى
يالى جواك شرور
الكنيسة بيت ربنا
للصلاة و النور
الكنيسة مش شقة مفروشة
ولا الليالى الحمرة فيها
أنتى اللى راسك مدووشة
من كتر كرهك و شرك ليها
الكنيسة من السما محمية
حماية أنت مش قدها
الكنيسة حمايتها سماوية
محدش يقف ضدها
