الحب المستحيل

شعر – أسماء طاحون
لمعه الحزن في عيونك والكلام المستخبي ….
ضحكه باهته ما بين شفايفك وابتسامه عشان تعدي …
عامله جامده ..وعامله صامده
وانتي مش قد الهموم ..
في الحقيقه اني شايف كل شيء عاوزه تداريه ..
نبض قلبي لسه سامع ال خايفه توضحيه …
في الحقيقه اني حاسس باللي بيكي ..بس خايف اجرب ولا اصرح يوم بحبي لابقي شفقه وسد خانه …
حبي ليكي مستحيل من البدايه للنهايه …
يوم ما قلتي اني اخوكي انتهت كل الحكايه ….
خفت اصرح بمشاعري لاخسرك باقي الطريق …
واكتفيت اني اقرب بس في حدود الصديق !
واتدفن حب الطفوله ..واتدفن كل الخيال…
واتفتح جرحي الوحيد…
لما شفت لمعه الحب في عيونك غيرت …يمكن !
ولما جيتي تعرفيني وتقوليلي يلا دورك …عاوزين نخلي الفرحه تكتر …
لما شفتك كالفراشه طايره من الفرحه لحياتك …
واكتفائي بالصديق حتي ده مش راح يدوم …
بس كله الا جرحك
بس كله الا جرحك
ده ال كان قواني فرحك والسعاده ال في عيونك …
جرحي انا قادر اواجهه قادر اتغلب عليه ..
قادر اكتم نزف قلبي ومكتفي بيكي في خيالي …
قادر اقنع نفسي ..لما اشوفك يوم سعيده ….
وانا مين غيري يا روحي راح يحس باللي بيكي
فوقي ليا
فوقي ليا قبل ليكي
واوعي تنكسري يا بنتي وارجعي يلا لطبيعتك وابتسامتك الجميله .