كدابين إللى قالولك

كدابين إللى قالولك
* * * * * *
كدابين إللى قالولك كدابين
كدابين عمرى ما اخونك كدابين
مين ينور عمرى غيرك بس مين
لو هخونك كنت خنتك من سنين
كدابين إللى قالولك كدابين
لو يعود بينا الزمان
للمكان نفس المكان
إللى اتولد فيه حبنا
من واحنا لسه صغيرين
اكيد هنلقى هناك أثر
لقلب منقوش ع الشجر
وفيه حروف من اسمنا
مرسومه بالشوق والحنين
كدابين إللى قالولك كدابين
أوعى تسمع يوم كلامهم
أو تصدق مره قولهم
مهما قالوا ومهما عادوا
كدبهم بيبان فى عينهم
دا انت أملى وأنت عمرى
وانت أجمل شىء فى عمرى
وانت نجم الليل وقمرى
وحلم بستناه سنين
ومهما قالوا وعادوا عنا
ياحبيبى دى غيره منا
ليه هنشغل إحنا بالنا
ومين هيصدق كدابين
كدابين إللى قالولك كدابين
* * * * * * * *
كدابين إللى قالولك كدابين
كلمات الشاعر
إبراهيم محمد