هعيش الدور

هعيش الدور.
بقلمي .. إنتصار حسين
……
وايه يعني لما اعيش الدور
واكدب كدبتين…
واكتب اشعار واقول ع العاشقين…
واهيم واطير وسط الحروف
واعمل سندريلا للتايهين 💃
ايه يعني لما اعيش الدور
واكدب كدبتين …
ويشوف كلامي كل حيران
وكل حزين…
يقول في باله دي جنية
وطلعتلي منين…
بت حلوة بدم خفيف وبتكتب
كلام دوخني يا امااا دوختين
ولو ييجي الحزين
يشوفني
وانا بين ولادي بهَاتي …
خَلَّصوا الواجب يا منيليييبن…🙆

ولا يشوفني وانا غرقانة وبغسل
المواعين……
دا جالي إلهام مرة ف الشعر
ببيتين….
سرحت كتبته فى المطبخ وكان هيحصل حريقة واكون م المفقودين……🔥🔥
بيضحك عليا دلوقتي كل المتربصين…
ويقول دي ازاي تقول انها
م الناس العاديين…..
ههههه
وايه يعني لما اعيش الدور
واكدب كدبتين…
ما انا بكتب وياريت الناس بعقولهم
فاهمين….
دول شاطرين بس في السؤال
هي صورتك دي يانور العين؟
طب والنبي هرد اقول ايه لناس
عقلها وضميرها ميتين….

ياناس كلامي
كتبته دوا يشفي كل حزين
مش حكاية يعني ..تركزوا في
صورة من عشرات السنين..
جاي تقرأ كلامي والا جاي تخطب
عروسة يامسكين…
كل واحد حواليه حكاوي
والا تكنش فاكرنا ملايكة بجناحين…
وايه يعني لما اكدب ياناس
كدبتين….
واعيش الدور واعمل سندريلا بكلامي💃
للمجروحين…
ياريت نكبر عقولنا ونكون
واعيين….
مش كل من قال ع المحبة
تايه في دنيا العاشقين…
ولاكل من قال ع الأسية داق الأمرين…..
هي حالة تهِل عليا
مرة فرح ….ومرة أسية
ركز في المعاني متركزش فيا

دي الكتابة ف المضمون
راحة متخلوهاش رزية

سيبونا نكتب ونقول ونعيد
اصل حروفنا من غير مواعيد
تهل فجأة وتزق البيبان
نهِم نفتح من الحرمان
بحر كبير وماله قرار
خلونا نسبح ونكشف الأسرار

ولو بكدبة مش مقصودة

توصل المعني وتطفي النار

دا الشاعر في النهاية والبداية
إنسان..
وياما دقَّت علي راسه طبول
كتمان……
وخلوه يقول اللي جواه ويعيد

يفضفض ياناس خلوووه …سعيد

يجوز احساسه بالألم يزول
مهو من غلبه مسك القلم
عمال يقول وياما هيقول
وايه يعني لو يعيش الدور
وينور لنفسه ولحياتكوا النور
منغير عجرفة من غير غرور
نفسه يحكي بانه يوم م الأيام
كان من جواه مش سعيد
وكان من كتر الألم مكسور…..
….