“سلسة خواطر 1” بقلم. الدكتور حجاجي إبراهيم
اصرف ع الدمار،
اصرف ع القمار،
سيبنا ف حالنا،
فكر زي الحمار،
بلاش هزار،
مالك باللي جرالنا
احقد ع الكبار،
اعمل شنب صرصار،
بس ابعد عن عيالنا،
بلاش تعمل نقار،
الواحد منك احتار،
عوجة رقبتك في، خيالنا،
وحياة دا السمار
وجيرة عربي جبار،
بلاش تحطم آمالنا،
خلينا ف انتصار،
وامح كل عار،
والبركه ف رجالنا،
عاهدنا بحب وإصرار،
حتكون شهم زي الاحرار،
وانت عارف حالنا،
وانت خليك زمار،
داحنا سكان مصر الدار،
مالك بحضارتنا ومالنا،
حمانا الله المختار،
ونعمر ونعمر عمار،
ربنا يصلح حالك وحالنا.
