غير مصنف
إلى أعظم إمرأة عربيه
بتاريخ/ ٩/٣/٢٠١٩
الشاعر المصري أحمد إبراهيم النجار
يكتب إلى أعظم إمرأة عربيه
قصيدة /وقالوا احتفال
وقالوا إحتفال وابنك ومات
وزوجك رفات
وبنتك واختك لداعش هبات
وقالوا احتفال بصرخة دموع
وابنك رضيع بيصرخ بجوع
واخوكي اللي ماااااااات
وسط الميدان
وقالوا إحتفال بثورة فجور
واصبح ماليكي ساكن قبور
في ليبيا وتونس
في سوريا الجريحه
وأرض العراق
في مصر الأبيه
وماتت شباب
وقالوا إحتفال
قولت احتفالك في ليله دموع
وتصرخ ضلوع
والعن ربيعك
ويصرخ رضيعك
في حضنك يبات
بيبكي بأهات
وتايه طريقك وغايب حبيبك
في هجرة هروب
وصرخة الدروب بتبكي بأنين
وضاعت سنين
بيصرخ جدارك وصورة شهيد
ودع بيوتك وساكن قبور
قالوا احتفالك بموت الولاد
مياتم بتشغي
في كل الشوارع
في عطفه وحارات
وقالوا إحتفال وقولت محال
تعود الليالي وترجع ياغالي
في حضن الحنين
وبلعن سنين بحزن واهات
وقالوا إحتفال
