مقالات وتقارير

يا هوصل… ياهموت وأنا بعافر.

يا هوصل… ياهموت وأنا بعافر.

بقلم الإعلامية/دنيا محمد العسكري.
كلنا في دماغنا احلام معينه، اتعامل مع أحلامك دي بمنطق واحد بس وهو يا هوصل … ياهموت وانا بعافر، و معنديش أختيار تاني.

في مرحلة بتيجي في حياتنا اسمها مرحله مفترق الطرق، والمرحله دي ال

هيه وانت ماشي لحلمك كدا وفي طريقك يحصلك drop (مشكلة)، فتلاقي

نفسك بين طريقين أو تلاتة أو أربعة ومالهمش أي علاقة أصلا بحلمك.
فهيكون في قدامك حلين: –

الحل الأول: أنك تقعد تعيط وتندم علي ال حصل وتفضل واقف مكانك والحلم

راح وانتهيت وادمرت ومعرفش اي، لعند ما يجي الناس ال جايين في

الطريق وراك بسرعه يدهسوك ويخلوك متساوي بالأرض.

والحل التاني: أنك تدخل أي طريق من الطرق دي لعل الطريق ال أنت دخلتوا

دا في حاجات هتتعلمها عشان توصل لحلمك، أو في حكمة من ربنا عاوز

يعرفهالك قبل ما توصل لحلمك.

خليك مع أحلامك عامل زي الدكتور بالظبط، لو جاله مريض في حالة حرجة

هيقول دا هيموت خالص طلعوه بره والا هيحاول معاه لآخر لحظه لعند ما ينقذه.

مثال بسيط جداً: الدكتور أحمد زويل، وهو في ثانويه عامة كان نفسه يدخل

كلية الطب، ومجبش مجموع كلية الطب هل قعد يندم ويعيط ويقول انا حلمي

راح خلاص؟!

هو كان قدامه مفترق الطرق ال قولتله عليه من شويه وهوه دخل طريق منهم، ال هو كلية العلوم.

وحط حلمه في دماغه وكان يقول: انا حلمي مش هيموت، انا دخلت طريق تاني بس حلمي في دماغي.

دخل احمد زويا كلية العلوم، وفضل يعافر ويجتهد علي نفسه لعند ما وصل

لجائزة نوبل للكيمياء، يعني تخيل كدا لو الدكتور أحمد زويل كان دخل كلية الطب

من غير يحصله ال drop دا في حياته، هل كان هيوصل للي هو فيه دلوقتي؟!

في النهاية/حلمك مش بيموت جواك الا لما تقرر أنت تموته.

 
 
يا هوصل... ياهموت وأنا بعافر.

اظهر المزيد

مقالات ذات صلة

اترك رد

شاهد أيضاً
إغلاق
زر الذهاب إلى الأعلى