بصلاة النوافل ، السنن اتعملت عشان تجبر الفروض
فا اجبروا فروضكم .
بقلم/ يمني احمد
هو أنا لو صلاتي ماكنش فيها خشوع خالص كده صلاتي باطلة ؟
عدم الخشوع ده نوعين : في نوع جسدي والتاني روحي .
فا الانسان اللي مش بيخشع خشوع جسدي بمعنى إنه ( بينقر الصلاة ) ، بينزل ويطلع
ويركع ويسجد بسرعه جدا مش بيلحق حتى يثبت مكانه في الحركه الا تلاقيه دخل على
الحركة اللي بعدها ، هنا هو أخل بركن من الصلاة اسمه الاطمئنان وهنا الصلاة بتبطل ولازم يعيدها .
خشوع الروح بقى معناه إنك تكون مركز في الصلاة جدا مستشعر كل حاجه وعقلك مش
بيفكر في الدنيا واللي شاغلك ؛ الماتش اللي بعد شويه والخروجة اللي هخرجها والأكل
اللي على النار وصاحبي اللي تعبان إلخ .. ،
مافيش خشوع و لا تركيز ، وهنا بقى لو انت ماخشعتش خالص نهائي الصلاة مش
هتبطل ولا حاجه .
بس في نفس الوقت انت مش هتاخد من أجر الصلاة الا على أد الفترة اللي خشعت
فيها بس .
خشعت نص الصلاة هتاخد نص الأجر خشعت الربع هتاخد الربع ، ماخشعتش خالص
يبقى مش هتاخد أجر خالص بس هتسقط من عليك الفريضه وماتعيدهاش وهتتقبل ..
طيب أعوض ده ازاي ؟
