غير مصنف
حبيبتي كفاية تجريح
حبيبتي كفاية تجريح
بقلم مصطفى عبدالحميد
حبيبتى كفاية تجريح
انا برضه كنت حبيبك
ومعاك دوغرى وصريح
بلاش الاطة وانزحة
ولعب بيه ومطوحة
اللى بينا حب كبير
ومكنش ف يوم مصلحة
الحب الحقيقى خد وهات
مش نظرة عين واهات
وانا كنت بادوب فيكى
من بين كل البنات
انا مش تمثال ع الرف
ولا عاشق واقف ف الصف
والاختلاف ف الكون سنة
زى الصوابع ف الكف
انا كنت بادوب ف غرامك
واتوه ف ساعات غيابك
ولماعينيه تيجى ف عينيكى
اجرى و ارتمى ف احضانك
بلاش حبيبتى تقسى عليه
وان كان فيه خاطر ليه
افتكرى الحب اللى بينا
وازاى كان بذل وتضحية
فاكرة حبنا ف الاول
وازاى كنا بنقعد ونطول
كنا بننسى الساعات
والنهاردة الكلمة بنتسول
خلاص حبيبتى انا مسامح
وهانسى من هنا ورايح
كل كلمة قولتيها بزعل
وان الحب كان بينامصالح
