غير مصنف
مكتوب بقلم /رأفت عبد العال
مكتوب
بقلم /رأفت عبد العال
لساك ياقلبي الرقيق
تصرخ بصوت مغلوب
أما الخطاوي تعاند
ديمًا نقول مكتوب !!!
أيامنا حزن وفرح
ليه فرحنا في تابوت
والدمع فارد جناحه
حالف ما فرحي يعود !!!
لساك ياعود الزهور
واقف ف وش الريح
نور القمر لو بان
هيلاقي قلبي دبيح
لساك ياقلبي الرقيق
محطه للمجاريح !!!!!
وأنا اللي فارد جناحي
والصبر خدني صديق
أنا أصلي أيوب زمنا
أيووووووب زمنا الجديد
