غير مصنف
قولوا لأمي.. بقلم الشاعرة الكبيرة انتصار محمد حسين ….
قولوا لأمي..
بقلم الشاعرة الكبيرة انتصار محمد حسين
قولوا لأمي…….
إبنك مات راجل يا امه
إبنك ضحي بعمره…
لاجل يعيش الباقي يا امه
فارق حبايبه لاجل الله
قولوا لأمي ….
إبنك عاش ومات راجل
بيدافع عنها من سُكات
جاله الخاين لِيه مِتخفي
أصلُه جبان مايخاف الله
سانِن سيفه
والموت كيفه
يقتل ويدبح في خلق الله
وآخرتها يقول ….
ده جهادي كُله لله
قولوا لأمي …
إوعاكي تِبكي
إوعاكي تِشكي لغير الله
ومعلشي يا أمي سامحيني
معيدتش عليكي في العيد
لكن يا امه هقضيه في الجنة
وده حتما أحسن عيد
ما انا يا امه كتبوني شهيد
قولوا لأمي ….
إوعاكي تبكي ….
واوعاكي تشكي…..
ده كله يهون في سبيل الله
قولوا لأمي ….
في جيبي عاين لها العيدية
لما بعلَم الغالية اتكفِن
فتشي جيبي ….
وفلوسي خديها ….
طلعيها يا امه كلها لله
وأمانة عليكي ….
ما اشوف عنيكي ….
علية تبكيكي……
وادعيلي يا امه….
ومن قلبك يا امه …..
قولي يُحشرني بجوار
رسول الله…….
وأنا ياامه كمان لية شفاعة
سبعين من أهلي …..
للجنة يخشوها جماعة
معلشي يا غالية …..
مبوستش إيدك في العيد
كان نفسي والله يا امه
لكن من حظي كتبوني شهيد
يالا سلام دلوقتي حبيبتي
بينادوا علية يالا ياشهيد
واقضي عندنا
……….. ..في الجنة العيد
