غير مصنف
يا دنيا بقلم الشاعر/محسن رجب جودة
يا دنيا
بقلم الشاعر/محسن رجب جودة
يا دنيا عيب أختشي عمل كده فيا
كتر الجراح والأسى والفرح مش ليا
طالت سنين الهجر والدمع مالي العين
نفسي ف يوم فرح والبسمة ع الشفتين
العيب ف مين يا دنيا ع اللي أنا فيه
العيب ف نفسي أنا واللا ف حبيبي اللي مش ناسيه
طالت ما بينا السنين والبعد على عيني
نفسي أشوفه يوم لو هابيع عيني
نفسي تشوفه العين وتحضنه الرموش تاني
أصل حبيبي أنا مفيش منه حبيب تاني
احتارت أطبا الهوا ف وصف لقلبي دوا
قالوا ماله دوا إلا رجوع الحبيب تاني
طال الهجر من بعدك وخسرت أنا حالي
لا مال القلب ف بعدك ولا رضيت أنا بحال
