يوم الشهيد

بقلم إيڤيلين موريس

عجبي عليكي يابلدي..
فيكي الصراخ عالي
يالي أتكسيتي بآلم
حزنا علي ولادي ..

مال لونك كده أتبدل
بقي أحمر قوي وقاني.
طول عمرك كده ولا
ده لون دم شهداكي..

عجبي عليكي يابلدي
حبك في وجداني
لا عارفه أنزعك منه
ولا ليه بلد تاني ..

أروح فين أنا والولد ..
ده أنا عمري كله فداكي..
الجامع هنا وكنستي ..
ورفات أعز أحبابي..

عجبي عليكي يابلدي
فيكي الرخيص والغالي..

زي الزوان والحنطة
واحد فيها شطاني…
والتاني زرعة جميلة
أتربت علي الغالي ..

في قلبي ليكي يا بلدي دعوة
تسلمي من شر اعداكي …