طريقة عمل الريزو ودجاج كنتاكى والصوص

تقدمه  / هبة صالح

أولا الأرز:-

المقادير:-

٢كوب أرز ٢كوب مية سخن
بصلة ص مفرومة
٢م ك زيت ١م زبدة
١مكعب فاين فودز فراخ م ص كركم ملح رشة فلفل

الطريقة:-

حلة نحط الزيت والزبدة يسخنوا نحط البصلة المفرومة عليها رشة بسيطة ملح ورشة بسيطة فلفل نصفرها نحط الأرز ونشوح شوية ثم م ص كركم ونشوح ثم نحط مكعب فاين فودز نقلب كويس ثم نحط المية السخنة كل دا عالنار العالية ونغطي لحد ما يشرب المية إلا سنة بسيطة ونضبط الملح
ننقل الحلة بعد ما ندي تقليبة علي أهدى شعلة ونوطيها ونحط شياطة الأرز ونسيبو مغطي ٢٥ دقيقة كدا خلص  نطفي عليه

ثانيا الصوص:

المقادير:-

كوب كاتشب
2م ك عسل أسود
٢م ك ورشيستر صوص
م ص مستردة
١م ص صوص بابيكيو مدخن
مكعب فاين فودز فراخ

الطريقة:-

كلوا علي بعض فى كسرولة ع النار بس يفك المكعب فيهم ويبقلل الصوص نطفي ثم يعبى في علبة كاشتب عشان نصب على  الأرز

ثالثا الفراخ:

نصف ك صدور فراخ مقطعة مكعبات تخينة ٢بيضة

م ص توم بودر
م ص بصل بودر م ص جنزبيل
م ص ملح نصف م ص بابريكا
رشة فلفل أسود كوب دقيق كيس

الطريقة:-

نحط على الفراخ كل التوابل والبيض المربوب عليها ونخلط كلوا كويس
ثم نجيب كيس نحط الدقيق ثم مكعبات الفراخ ونرج الكيس كويس
ثم تحمر فزيت ساخن غزير حتي تصبح ذهبية بس نحمرها كويس

التقديم :-

نحط الأرز بطبق غرف ثم زجزاج من الصوص اللي عملناة ثم نحط الفراخ
ونخلي الزجاجة للي يحب يزود ولو اتبقي منها تحفظ بالتلاجة لمرات أخرى