استعينوا بالله
الجيل الجديد ده محتاج وقفة بجد ..
إحنا في ناحية والأفلام الهابطة والمجتمع في ناحية !
مش عايزين جيل متحرشين جديد
مش عايزين جيل محطم نفسيا ومش واثق في نقسه !
مش عايزين جيل واخد الدين عادة ..
عايزين ولد بأخلاق يوسف وبنت بأخلاق مريم عليهم السلام
1. بنت أو ولد مفيش لعب أو بقاء برة البيت بعد الساعة 8 .
2. 30 دقيقة قراءة في اليوم .. ( كتب هما الي يختاروها )
3. الأب يخف من قول ” أنا طالع عيني في الشغل” ويقضي وقت مع عياله
4. متضربيش ابنك وتحضنيه لما ينام .. ابنك محتاج الحضن وهو صاحي !!
5. مفيش مهرجانات ولا أغاني تشتغل في بيتنا .. في كلام ربنا
6. خد إبنك الصغير أو بنتك معاك المسجد .. حببهم في بيوت الله.
7. مفيش أفلام .. في كارتون محترم
8. بنتك متتسابش مع ولد أو رجل حتي لو موثوق فيه .. وبلاش تهاون في الموضوع ده !
9. الساعه 9 يكونوا في سريرهم
10 .آية الكرسي قبل ما يناموا .. وبعدها حضن كبير
11 . يكون موجود جدول للصلاة .. واللي يلتزم يجيله هدية
12 . ولادك ميسمعوش عن خناقة بينك وبين أبوهم ولا حتي صوت عالي
13. إبنك يشوف احترامك لمامته .. علشان يحترم زوجته ..
14 . مفيش تدخين جوه البيت ولا قدام ولادك حتي من الضيوف
15. الإستحمام وغسل الأسنان كل يوم
16. لما يتكلموا اسمعوا لهم حتي لو كلام تافه ..
لو مفيش انتباه لكلامهم النهارده .. مش هيتكلموا خالص بكرة !!
17 . مفيش نت نهائي في السن ده غير تحت إشراف كم
18. حاولوا يشاركوا في رياضة في سن مبكر
19. نعلمهم يحبوا الناس كلها .. ومنغتبش خلق الله قدامهم
20. علموهم يثقوا في نفسم وشكلهم ( خصوصا البنات)
21. علموا الولد يحن على أخته ويخاف عليها
22. علموا البنت تحب أخوها وتخاف عليه
