طريقة عمل الكبدة بكل أنواعها

تقدمه  / هبة صالح

_الكبدة الإسكندري

تغسل الكبدة(1/2ك) ثم تقطع مكعبات صغيرة ثم تتبل لمدة ساعة في الليمون والخل وعصير البصل وعصير ليمون وتوم بودر
حطى ف الطاسة 3معلقه زيت وحطي الكبدة بعد ما غسلتيها طبعآ وشوحيها لحد ما لو نها اتغير تكونى مقطعة 3حبات فلفل وحطيهم عليها وقلبى شوية ثم فصين توم و نص قرن فلفل حامى وملح وكمون ثم معلقه توم وبصل بودر وفلفل اسود وشطة و3 معالق خل وقلبيهم عالكبدة بعد ما استوت حطي معلقه سمنه وشوحيها شوية وطفيى النار واعصرى ليمونه عليه
2_كبدة بانيه

المكونات
1/2كبدة مقطعة كندوزشرايح
4 فص توم مهروس
1/2م بصل بودر
فلفل اخضر
ملح – فلفل اسمر – بهارات – شطة_ قرفة_ جنزبيل_ كمون
عصير2 ليمون
الطريقة

بخلط كل مكونات التتبيله فى الخلاط وبضفها على الكبدةبتبلها واسيبها حوالى 4 ساعات فى التلاجة او يفضل ليلة كاملة
بحضر3اطباق دقيق وبيض وبقسماط بنزل الكبدة فى الدقيق ثم البيض وبعدين البقسماط واسيبها كمان ساعة فى التلاجة بعد كده بحمرها فى زيت غزير يكون سخن جدا ولما انزل بالكبدة اهدى النار خالص عليه الى تمام النضج نجهز طبق واسع عليه ورق لإمتصاص الزيت الزائد
نخرج شرائح الكبدة علي الورق ونكرر الخطوات
عند الانتهاء ننقل شرائح الكبدة البانية علي طبق واسع مرشوش باوراق البقدونس او الجرجير

_كبدة مشوية على الجريل

المكونات

1/2كبدة كندوزمقطعة شرائح
م بصل بودر
م توم بودر
م مستردة
عصير ليمون
فلفل أخضر مفرومين
ملح فلفل قرفة جنزبيل كمون
ليمون

الطريقة

بخلط كل مكونات التتبيله فى الخلاط وبضفها على الكبدةبتبلها واسيبها حوالى 4 ساعات فى التلاجة او يفضل ليلة كاملة
ثم تدهن الشواية بالزيت ثم ترص الشرائح علي الشواية الساخنة وتترك علي النار . حتي تحمر ثم تقلب علي الوجه الأخر حتي تنضج
يتم وضع فحمة مشتعلة في قطعة فويل بها قليل من الزيت في طبق مع الكبدة وتغطيتهم معا باحكام حتى تكتسب رائحة الشواء على الفحم
وتقدم علي فرشه من البقدونس تقدم مع الخضار المشوي او سوتيه

_كبدة بالردة

المكونات:

تتبل الكبده بملح وفلفل أسود شطة_ قرفة_ جنزبيل_ كمون وم توم وبصل بودر وفلفل أخضر حامي مهروس وعصير ليمون وتترك حوالي2 ساعة بالتلاجة
وتغلف بالرده الناعمة وتترك نصف ساعة في الفريزر ثم تقلي في زيت غزير ويرش عليها وهي ساخنة البقدونس

_مكرونه بالكبدة

المقادير

1|2كيلو كبدة كندوز قطع صغيرة
كيس مكرونة
بصله مبشورة للكبدة
ثوم
فلفل رومى اخضر
بصله مبشورة للمكرونه
2كوب عصير طماطم
3م صلصة
عصير ليمون
جوزة الطيب قرفه ناعمه وسماق
فلفل أسود ملح
للتزين (زيتون قطع شبت)
الطريقة

شوحى الكبدة فى الزيت على النار أضيفى البصل والثوم المفرومين والليمون والفلفل الاخضروالملح والفلفل الأسود وجوزة الطيب والقرفه أضيفى صلصة الطماطم لخليط الكبدة وقلبى
إسلقى المكرونة فى الماء المغلى المضاف له الملح والزيت ثم صفيها في قدر، ضعي البصلة والزيت على النار لمدة 3 دقائق ثحتى يكتسب اللون الذهبي .
– أضيفي عصير الطماطم والبهارات ومكعب الدجاج واتركيه على النار حتى يتسبك ثم أضيفي المكرونة وقلبى إغرفى المكرونة فى طبق التقديم وعليها خليط الكبدة وزينى الوجة بشرايح زيتون وبعود شبت وقدميها

_شاورما الكبدة

المقادير:
1|2 كيلو كبدة
فلفل ألوان مقطع شرائح طويلة
بصلة مقطعة شرائح
ثمرة طماطم مقطعة شرائح طولية
3ملاعق كبيرة بقدونس مفروم
عصير ليمون
معلقتين كبيرة خل
ملح وفلفل وكمون قرفه جوزة الطيب
فصين ثوم مفرومين
معلقتين كبيرة طحينة

الطريقة:
نتبل الكبدة بملح وفلفل وكمون قرفه جوزة الطيب وثوم مفروم ومعلقة خل وعصير الليمون وتترك 3ساعات فى الثلاجة
ثم فى طاسة سخنة نضع معلقتين زيت كبيرة تسخن ثم نضيف الكبدة وتقلب دقايق ونطفى
فى طاسة تانية معلقتين زيت ثم بصلة مقطعة شرائح طولية ونقلب دقيقة ثم نضيف الفلفل الالوان والطماطم ونقلب دقيقة ثم نضيف الكبدة عليها ثم نضيف معلقة خل التانية ونضيف الطحينة ونطفى ونضيف البقدونس المفروم ونقلب وتقدم فى عيش الشاورما

_شيش كبدة

المكونات
كبدة مقطعة مكعبات وسط
…بصل مكعبات
طماطم مكعبات
فلفل ألوان
ممكن يضاف مشروم
الطريقة

تتبل الكبدة من قبلها بيوم في
مية بصل و عصير ليمون و م ك و صويا صوص و دبس رمان و سماق ,قرفة ,زعتر ,زنجبيل ملح و فلفل و كمون و بابريكا و شطة خل و ليمون)
تجهز الأسياخ و ممكن تتنقع من قبلها في مية ساقعه ساعتين
يتم وضع الكبدة والبصل والطماطم والفلفل في الأسياخ بالتبادل
يتم دهن الشواية بزيت الزيتون يتم وضع الأسياخ فوق الشواية الكهربائية وتقلبيها حتى تنضج
يتم وضع فحمة مشتعلة في قطعة فويل بها قليل من الزيت في طبق مع الكبدة وتغطيتهم معا باحكام حتى تكتسب رائحة الشواء على الفحم
تقدم مع الأرز الأبيض وسلطة باباغنوج