فى يوم من الأيام سألوا واحد بتحب أمك ليه مع أنها مش أحلى واحده فى الدنيا .. فقال ممكن تكون أمى مش أحلى حد فى الدنيا..بس كل تجعيده فى وشها بتحكى مليون عقبه وقفت قصدها من أجل تربيتى..
كلنا عارفين إن كل أم ربنا أعطى لها روح جواها أخدت من صحتها وعظمها وقوتها.. من أجل أن تكون هذه الروح (ابن أو ابنه ) متواجدين فى المجتمع ..
بس أكثر حاجه توجع آلام أن أقرب إنسان لها لما يكبر يعايرها على شكلها ووزنها..
وهذا ما حدث فى بلدنا ..فكل تجعيده من تجاعيد وجه بلدنا نحن السبب فيها.. وبعد عمر طويل بنعاير بلدنا!!!
أنا بعترف ومش أنا بس أنا كمان كنت بتعمل مثلى تماما .. بأعترف ان فى يوم من الأيام كتبت على الحيطه .. وكسرت الديسك ..وفى يوم شتمت وقولت ألفاظ غير مرغوب فيها ولم أكن مدركه أن هذا خطأ ..
فى يوم لعبت كوره تحت بيت عم محسن اللى كان بيأخذ كيماوي ولما قالوا امشى من تحت البيت قولت لهم يولع ولم أكن أدرك أن هذا خطأ ..
فى يوم أخذت كيس القمامة وبعدت عن بيتنا مسافة وفى شارع ظلام رميته ولم أدرك أن هذا خطأ طالما
د/ ايمان السرياقوسى
بعيد عن بيتى يبقى خلاص..وبعد ذلك اكتشفت أن هذا خطأ ..
اكتشفت أن كل تجعيده من تجاعيد بلدنا بسبب قلة قليلة فى البلد ..
فى كل أرض مسروقة ..
فى كل ظلم اتبنى فى كل مكان ..
وبعد عمر طويل وبعد كل التجاعيد التى كان أعداد منا سبب فيها بقينا نعاير البلد.
حفظ الله أم الدنيا
عقل- واعى
فكر- راقى
