يا خبر!!!!!هو في طفل ممكن يصاب بالاكتئاب  

 د/إيمان السرياقوسي

اه طبعا
– الاكتئاب مش بيجي للكبار فقط.. ممكن يجي للعيل الصغير اللي لسه مطلعش من البيضة ؟!!!!

تعالوا نشوف ازاي ..
في اوقات كتير الاهل مش بيقدرو يحسو ان طفلهم بيعاني من مشكلة و مش بيقدرو ياخدو بالهم في الوقت المناسب و يتدخلو التدخل المطلوب .. مش بس كده ده فى كتير جدا من الاطفال اللي بيصابو بالاكتئاب بيتحول معاهم لحاجة مزمنة بتفضل ملازماهم طول حياتهم و بتأثر عليهم تأثير شديد في المستقبل ..

عشان كده الاكتئاب عند الاطفال من الحاجات الخطيرة جدا و لازم نبقى عاملين ليها الف مليون حساب

طيب اعرفةازاي ان ابني عنده اكتئاب ؟!!!

-الاكتئاب عند الاطفال مش شرط يجي زي ما بيجي عند الكبار
🥴-يعني الطفل المكتئب مش شرط يكون قاعد حزين و بيعيط ..
لاكتئاب عند الاطفال بيجي باعراض متعددة لازم نكون كلنا واخدين بالنا منها :

خاللي بالك يا ماما..
لو ابنك طول الوقت همدان و تعبان و بيشتكي من صداع او مغص بدون وجود اي سبب طبي ..

لو نوم الطفل مش مضبوط ((مقطع ..كتير.. قليل)) ..

لو مود الطفل بيتغير فجأة و بدون اسباب منطقية ((يعني بيكون بيضحك و بيلعب و مرة واحدة يسكت او يصرخ او يعيط..

لو طفلك فاقد الثقة في نفسه و بيخاف او يقلق من التعامل مع الغير ..

لو طفلك بطل يركز في المدرسة او المذاكرة و مستواه بيقع ..

لو طفلك مبقاش مهتم بأى حد حوليه او مبقاش يفرح بلعبه او فسحه سواء منك او من بابا ..

لو طفلك قاعد ساكت طول الوقت و مش مهتم يتكلم او يتفاعل مع حد

لو ردود فعل الطفل مبالغ فيها في حالة الحزن او الغضب او الفرح ..

بدون تردد لازم فى الحالة ديه لازم تستشيري حد متخصص و متستنيش عليه .. على فكره الوقت بيفرق و كل ما كان التدخل مبكر ..كل ما النتيجة افضل..
حفظ الله اولادنا وبارك فيهم
د/ ايمان السرياقوسى