تقدمه /. هبة صالح
المقادير
3 أكواب دقيق منخووول مع ربع معلقة صغيرة بكينج بودر
4 بيضات كبيرة
نص كوب مية
3/4 كوب زبدة سايحة باااااردة مع معلقتين كبار زيت
معلقتين كبار حليب بودرة –
معلقتين كبار سكر
نص معلقة صغيرة ملح
فانيلا أو بشر برتقالة لو نحب
1 و 1/2 معلقة كبيرة خميرة ندوبها
مع 3 ملاعق كبيرة مية ومعلقة صغيرة سكر
السيرب أو الشربات
كوبين و 3/4 كوب سكر – كوبين مية و عصير ليمونة كبيرة
بنسيبهم على النار يغلو 10 دقائق يبقى أحلى سيرب
للحشو والزينة
10 ملاعق كريم شانتيه نخفقهم
مع كوب ونص مية متلجة ومعلقتين كبار سكر
وفواكه حسب الرغبة موز او تفاح او اناناس
أو كيوي .
الطريقة
أول حاجة نبدأ فيها بسم الله ندوب الخميرة مع السكر
و3 ملاعق كبيرة مية وندخلها الفرن مطف عشان تتفاعل
لمدة ربع ساعة بس
ونجيب بولة كبيرة ومضرب سلك
ونحط فيها البيض والملح والفانيلا
ونسيح الزبدة مع الزيت ونسيبها تهدى حرارتها دقيقتين كده
ونحط الدقيق والحليب البودرة والسكر مع الزبدة السايحة على البيض
ودلوقتي الخميرة بعد ربع ساعة ماشاء الله ارتفعت أوي في الطبق يبقى هيا تمام
نصبها على الدقيق والزبدة
ونقلب بالمضرب السلك ونزود نص كوب المية
ولما قلبنا المية بقى ده شكل العجينة طرية وبتمط ولذيذة
ودلوقتي نفضل نعجن الباباز بالمضرب السلك ونقلب لمدة 10 دقايق ان شاء الله
وطبعا بنعجن بالمضرب السلك عشان عجينة الباباز أصولها لازم تكون ملزقة كده
ومش هنعرف نعجنها بايدينا عشان هتلزق اوي بصوابعنا
وطريقة عجن الباباز أننا بالمضرب السلك نقلب العجينة ونلتها من فووووق لتحت
ونقلبها من كل الجوانب كأننا بنلت عجينة العيش الفلاحي الطري
بس دي بالمضرب السلك نعجن العجينة لمدة 10 دقايق بس
وطبعاا لو مش حابين نعجن كده ممكن لو عندنا عجان نعجنها فيه ان شاء الله
والعجينة ممتعة أوي ومطاطة جدا وأحنا بنعجنها
دلوقتي ندخلها الفرن مطفي ونغطيها ونسيبها تتخمر لمدة ساعة
نجيب أي قوالب عندنا سواء الومنيوم زي
اللي بنحط فيها الكريم كراميل او سيلكون
ونجيب طبق صغنون زيت جنبنا ونبل ايدينا بالزيت ونأخد قطعة من العجينة
وندهن القوالب السيلكون زيت بسيييط ونحط العجينة اللي كورناااااه في كل قاااالب
ولازم ماتتكونش العجينة مالية القالب اوووي عشان لسة هتنفش ان شاء الله
يعني العجينة تبقى نص قالب السيلكون زي كدهخلصنا وحطينا كل عجينة الباباز في القوالب الحمد لله
نحطها في الصواني اللي هنخبزه فيها
تتخمر في الفرن مطفي برده لمدة نص ساااااعة
نسخن الفرن حرارة هادية 160 الى 170 درجة
وندخل الصواني على الرف الاوسط لمدة 50 دقيقة
ومش نفتح عليها الا بعد 25 الى 30 دقيقة زي الكيك بالضبط
عشان ماتهبطش ان شاء الله
ولما نلاقي أن العجينة نمسكها نلاقيها ناشفة ونفشت زي الصورة
وبقت متماسكة مش طرية وفصلت من الجوانب يبقى استوت من تحت ان شاء الله
نطفي النار من تحت ونشغل الشواية عشان الباباز ياخد لون دهبي من فوووووق بفضل الله
ونسيب الباباز يبرد خاااااااالص
وبعدها نغطسه بالشربات
ونحط كل البابازات جنب بعض في مصفاااة وتحت بولة يتصفوا من الشربااات الزيااادة
ولما تهدى حرارتهم نحشيهم بكريم شانتيه ونزينهم بفواكه
حسب الرغبة
