طريقة عمل صوص الرانش

تقدمه :هبة صالح

المكونات:

– ¾ كوباية زبادي.

– 1 فص ثوم مفروم.

– 1 معلقة صغيرة ثوم بودر.

– ¼ كوباية بقدونس طازة مفروم, أو 1 معلقة صغيرة بقدونس مجفف.

– ½ بصلة متوسطة متقطعة مكعبات “حوالي 2 معلقة كبيرة”, أو 2 معلقة كبيرة بصل بودر.

– 2 معلقة كبيرة كرات طازة مفروم, أو 1 معلقة كبيرة كرات مجفف.

– 1 معلقة صغيرة ملح.

– ¼ معلقة صغيرة فلفل أسود.

– 2 معلقة صغيرة مسطردة “خردل”.

– عصير ½ ليمونة “حوالي 2 معلقة كبيرة”.

– من ¼ – ½ كوباية لبن رايب.

الطريقة:

اخلطي المكونات كلها مع بعض في برطمان محكم الغلق, واقفليه ورجيه كويس عشان تمزجي كل المكونات مع بعض, أو ممكن تحطي المكونات كلها في البلندر وتضربيهم مع بعض.

وكده يكون الصوص جاهز احفظيه في التلاجة وسيبيه 30 دقيقة على الأقل, والأفضل يكون ساعتين قبل ما تستخدميه على السلطة, بعدها حطي منه على طبق السلطة بتاعك, واحفظي الباقي في التلاجة.

ولو أنت عايزة الصوص يكون سميك يبقى اكتفي ب ¼ كوباية بس من اللبن الرايب, ولو عايزاه خفيف زودي كمية اللبن الرايب حسب السمك أو القوام اللي أنت عايزاه.

ضروري حفظ الصوص في ازازة أو برطمان محكم الغلق, والكمية دي هتقعد معاكي تقريبا لحد اسبوع في التلاجة.