💫العقاب مش لما إبنك يكسر الازاز بالكرة تقطع الكرة وترميها لا الصح أنه ملزوم أنه يحوش من مصروفه وهو اللي يصلح الازاز اللي اتكسر
💫العقاب مش لما إبنك يضيع القلم في المدرسة تروحي وتشريله واحد تاني ساعتها هيضيع المقلمة كلها لأنه عارف أن هتيجي غيرها بسهولة الصح أنه هو الملزوم يشتري مكان القلم اللي ضيعه أو المقلمة كلها
💫العقاب مش لما كوباية العصير أو اللبن أو حتي المياة تقع نضرب ونزعق ونصرخ علشان العصير ادلق والكوباية إتكسرت الصح خدي ابنك في حضنك الأول وطمنيه وخليه يحس أنك خايفة عليه من الازاز ليكون أتصاب منه وبعد كدا نقول نخلي بالنا المرة الجاية وهو اللي يلم القزاز ويمسح مكان الحاجة اللي اتدلقت وأحنا معاه طبعا علشان ميتضرش من الازازا
العقاب ماهو الا خطأ حدث و المفروض نصلحه بالتصرف الصح والمسئول عن الخطأ هو اللي يصلحه العقاب هو اننا نتعلم من الخطأ
