اعرف منين ان ابني عنده سوء تغذية؟!
السؤال دة بيجيلنا من امهات كتير علي الصفحة الي بتبقي عايزة تعرف ايه هية علامات سوء التغذية في الاطفال وامتي تفكر تعرض طفلها علي دكتور تغذية اطفال
البوست دة فيه معظم علامات سوء التغذية
اي طفل يظهر عليه علامة واحدة او اكثر من العلامات دي فهي ناقوس خطر ينذر بالتحرك السريع وعرض الطفل علي طبيب تغذية الاطفال لمنع حدوث اي مضاعفات دائمة .
لان للاسف اي تأخير في علاج سوء التغذية معناه :
١ . نقص العناصر الغذائية في جسمه هيكون اكبر
٢ . تعويض نقص العناصر دي هيكون اصعب
٣ . فترة علاج الطفل دة هتكون اطول
وعلاج سوء التغذية بيكون بعلاج دوائي وبنظام غذائي وفيتامينات ومقويات بيحددها الطبيب المختص حسب حالة كل طفل بعد الكشف عليه وتشخيص حالته وما يناسبه .
ويمنع تماما اعطاء الاطفال اي فواتح للشهية لما لها من اعراض جانبية سيئة
