بقلم/هبه المنزلاوي
والعمر عمال يعدي
لازم نكسب التحدي
ونكتب قصه أو روايه
فيها سطور مش كفايه
تعبنا سنين وعيشنا آهات
والأيام تشهد على اللي فات
واجهنا صعاب وشوفنا النار
قابلنا بحار وعدينا أنهار
وعومنا في الأحلام مع الآمال
ورسمنا طريق السلام
وعشنا في قصه كفاح
تهب كل يوم رياح
تحاول تهد الأماني
وتملي حياتنا ضياع
نقوم ونقول من تاني
احنا عنوان الرساله
بكل عزيمه واصرار
أكيد إحنا الأبطال
و الحكايه ملهاش نهايه
والتاريخ مليان كلام
والشهامة عنوان رساله
لأبطال الكرامه وبأمانه
والصخر عمال ينادي
أبطال قد التحدي
ونسور في الجو تعدي
ورايه مرفوعه في العالي
حققنا النصر من تاني
إحنا أبطال التحدي
