فيلمك ايه

بقلم / مروان عبد الكريم

عارف سينما روكسي زمان ، لما تدخل وتقعد والنور يطفي والفيلم يشتغل وتنزل من علي الكرسي شوية وتحط رجليك علي الكرسي اللي قدامك .
وتحس إن السينما كلها بقت شاشه عرض ، وتبتدي تظهر كام لقطه كدا مالهمش دعوة ببعض بس اسم الفيلم بيدل علي انهم مع بعض او متعلقين ببعض جدا .
زي الكواكب حوالين الشمس كدا ،كل كوكب بحالته وظروفه وحجمه
متعلقين بالشمس ،
معلش سرحت بخيالك شوية ، بس اللقطات دي أو الكواكب دي
هي مشاكلك .
كبيرة صغيرة سهلة  صعبة  كل واحدة ليها اسمها ،انما الفيلم واحد اسمه حياتك،
انت فعلا شايف كل مشاكلك بالمنظر ده
اوضة مظلمة مش ظاهر فيها غير الكواكب دي
كل ما بتحاول تحل مشكلة مش بتعرف ويمكن تتفتت لمشاكل تاني اكتر بس اصغر حجما .
كنت بسمع عن ناس عينيها بتدمع وهي نايمة ، لحد ما عرفت ان مشاكلهم دخلت كمان معاهم في نومهم واحلامهم .
مع كتر المشاكل وكتر الضغوط طبعا .
بس دايما هناك حل من اتنين يا اما تفتح الباب وتخرج من الفيلم ده وده معناه موتك ،او تتحرك لقدام شوية توصل لحد الشاشة وتشوف مشاكلك دي بطريقة تانية و وجهة  نظر تانية
هتلاقي كل المشاكل دي بسيطة جدا وصغيرة جدا بس طريقة استقبالك للعرض او المواد المؤهلة والمؤثرة  في حياتك بتخليك شايفها كبيرة قوي علشان انت حابس نفسك وخانق نفسك جواها .
اتحرك خطوتين صدقني، هتلاقي الدنيا اختلفت تمام
ويتحول الفيلم بتاعك من مجموعة لقطات كبيرة مالهاش علاقة ببعض لفيلم جميل فيه كل حاجة سعادة وحزن وفرح وتعب
بدل الابيض والاسود هيكون فيه كل الالوان،
ربنا يسعد كل حياتكم يارب .