سفر الأحلام

كتبت: زينب فتحي

في السفر أحلام وأماني تكبر كل يوم مع عمر الإنسان.في السفر هقدر أحقق كل ماأتمنى أبني القصور وأتهنى في السفر الحياة حستقر وأعيش ماأتمنى وأعيش ولادي أحلى حياة.

لكن بننسى ضريبة الأحلام والأمنيات وإن سعرها غالي بزيادة. حبيبته تقوله الغربة صعبة خليك معانا ونحقق أحلامنا سوا كفي بكفك ونسند بعض هنا يرد أحلامي صعبة المنال هنا لكن هناك مستنياني بمطار الغربة جاهزة متحققة جهز شنطته وسافر وإتفاجئ بالحقيقة اللي عكرت صفوته في الغربة قسوة ووحدة مرة لكنه بأمله بيتنفس إنه هيبني القصور ويحسن من معيشته يوم جر يوم وسنة ورا سنة وهو عايش بالأمل لحد ماالعمر بقى مدفون بقى مطحون في غربته وكل ماحبيبته تقوله إرجع كفانا غربة وألم في الصدور محفور أولادك محتاجين محبتك قبل خزنتك يرد خلاص هانت الأحلام على وصول لكنه في الحقيقة سفر أحلام بتسافر بأحلامك للسعادة والأمان وتنسى إن فيه ضريبة غالية لازم تقدمها غربة ووحدة في كل حين تفرح لوحدك بعيد عن حبايبك تحزن لوحدك من غير صدر يضمك وإيد أم تطبطب على قلبك تخاف متلاقيش اللي يطمنك وبيتضح إن سفر الأحلام ده في المنام وأول ماتفوق من غفوتك تلقى العمر فات وعدى وبقيت في زمن كان سفر الأحلام بيسرق أجمل ليالي العمر بيحرمك من عيشتك الطيبة وسط أهلك وأحبابك بيعيشك في ندم لما الغاليين يفارقوا الحياة من غير وداع وتبقى غريب من بعيد لبعيد سفر الأحلام بيعري أولادك وأنت موجود ويخليهم من غير كتف يسندهم ولاقدوة تعلمهم بيسرق منك سعادة رؤيتك لزرعتك بتكبر وتنور سفر الأحلام بيبعد بين الأحباب ويخلي الصلة مجرد شاشة بندارى وراها بسفر الاحلام حياة بتنهار وبيوت بتضيع
مع إننا نقدر نرجع نعمر أرضنا ونساعد بعضنا ونرسم أحلامنا هنا ونحققها مع حبايبنا من غير مانهدر عمرنا ونقول ياريت اللي جرا ماكان
لشبابنا كلنا اوعوا تضيعوا أجمل أيام حياتكم في سفر الأحلام اللي بيسرق العمر ومش ممكن يعود عشان شوية فلوس.