سكة سفر

كتبت الصحفيه بوسي مرسي
أنا رايح مش راجع
مع قلب كله مواجع ومش عارف إذا كان في حد من روحتي هيتواجع ولا عادي دمعتين في منديل وقت مواجع
عايشين في دنيا حاسين أنها أبديه ولا دارين أننا مفارقين في ثانيه
عاشر ياأبن أدام علي قد ماتعاشر مسيرك يوم تفارق
وتبقي ذكري في البوم صور أو كلمه في بحر النسيان عدت عليه أمواج محت أسمه وذكرة زي مااتمحي جسمه
أنفاس خارجه ومش داخله وأحنا لسه بنتخانق علي مين ومين قال ومين وجع ومين سبب الوجع
أه ياوجع أوجع كمان وكمان لما تلاقي الحبيب بقي في خبر كان ومعتدش تشوفه حتي في الاحلام
كله يتعوض؟؟؟؟؟
يابني الإنسان إلا أبن أبوك وأمك ماتعوضه الايام ولا في خال وعم كمان يحل محل الأب ولا الخاله عمرها كانت والدة لما الوالدة تروح منك كمان
أه يازمن أه عمال تغير نفوس من نفوس كفايه بقي دعك في الفانوس النفوس بقت مش محتاجه مارد الفانوس دي هي لوحدها بقت بطاريه بتشحن الفانوس
بنزعل ليه علي اللي راح ؟؟؟؟
ماهو كان معانا يوم ولا أرتاح !!!!
ليه حاسين بفراغ ماياما قولنا في حاجات ماتعوضها الايام ماعمر الاخ ماراجع غير بقدرة قادر ولا عمر الاب والام كمان والصاحب الجدع خلص كمان عشان كله بتاع مصالح وصعب تلاقي حد متصالح
وكله هناك عند عمك الشيخ صالح اصل المصالح عندة بتتصالح
وأه منك يازمن عمرك يوم ماهاتكون صالح لازم توجع قلوبنا علي اللي كان يوم صالح
وهي سكة سفر ماشين فيها وياعالم أمتي راجعين كل واحد بتيجي محطته بينزل ومش راجع أصل التذكرة كانت
ذهاب بلا عودة