كتب/محسن بكير
جهزتي العشا ؟؟؟
أنا لا هجهز عشا ولا هعمل اي حاجة في البيت دة إلا لما تشوفلك حل في ابوك
عمل ايه تاني يا بنت الحلال مهو نايم فحاله ؟؟
مليش دعوة خلاص بقي انا مش طايقها معانا فالبيت وياريت لو تخلص منه ونشوف مصالحنا بقي بدل ما هو نايم علي الفلوس والأرض حتي البيت ال إحنا قاعدين فيه لسه ب إسمه ومش راضي يكتبهولك وانت ابنه الوحيد
بقولك إية انا جاتلي فكرة اخلص منه مدي الحياه بس جهزيلي شوال وسني السكنية كويس وفي نص الليل هاخدة فالجبل واريحك منه خالص
حااااااااضر يا سبعي هو دا الكلام خلينا نقب بقي على وش الدنيا
بقولك إيه يا أبوي ؟؟
أيوة يا ولدي
أنا قلقان ومش جايلي نوم إية رأيك نطلع الجبل نزور أمي ونشم شويه هوا ونرجع الفجرية ؟؟؟
ماشي يا ولدي اقوم اغير هدومي واروح معاك
مالك يا ولدي ؟
وقفت هنا لية ؟
مقبره امك مش هنا،
وماسك السكنية ليه ؟
وايه الشوال ال معاك دة ؟
بصراحه كدة يا أبوي عايزك تسامحيني مينفعش نعيش تاني مع بعض ووجودك معكنن عليه حياتي وكفاية عليك كده
استني يا ابني أنا هطلب منك آخر طلب في حياتي
شايف يا ولدي النخله ال هنااااك دي ؟
أيوه يا أبوي شايفها
تعالي يا ابني ادبحني عندها وادفني تحت النخلة لأني هو ده المكان ال دبحت فيه جدك وهي دي النخلة ال تويت جدك تحتيها
