الأخبار

هجرونا الحبايب


بقلم :محمدأبوالحسن

هجرونا الحبايب
من غير كلمة وداع
والقلب فيهم دايب
شارى وعمره ماباع
ياترى نسيونا
ولاغدروا بينا
ولاهواهم كان خِداع
دول فجأه استغنوا عنا
ولاسألوا حتى عنا
نسيوا العشره اللى بينا
يمكن سقط القناع
بعد ماحبيناهم
وأخلصنا فى هواهم
لكن قلوبهم كانت
مفتوحه عالمشاع
تدُق لأى حد
ومابتزعلش حد
وهزار يقلب بجد
وكل يوم قناع
ياخسارة حب ضاع
فى بحر مُوجُه عالى
ومركب من غير شراع
وعشره جميله هانت
لقلوب تعبت وعانت
فى سنين طويله كانت
عايشه من غير متاع
بس الحقيقه بانت
وفجأه الشمس غابت
ونورها لونه باهت
بعد ماكان شُعاع
إياك تزعل ياقلبى
دارى هواك وخبى
وقول لهواك وداع
محمدأبوالحسن

اظهر المزيد

مقالات ذات صلة

اترك رد

زر الذهاب إلى الأعلى