معني الحياه مع نعمه الرحمن
معني الحياه مع نعمه الرحمن..
بقلم /هبه المنزلاوي
عايزة اقول عن إنسان
مالي الكون أمل وأمان
لما عاش بين القلوب
غير بروحه وجه الحياه
كنا شايفين النفاق
حوالينا وفي كل مكان
ونفوس ملهاش أمان
بتبيع وتشتري في الأيام
كذبهم عمال يزيد
والصدق مات من زمان
لما عرفنا بوجود الإنسان
الصورة كملت في العين
ورجعت الحياه بسلام
نقائه يبهر الوجود
أخلاقه بجد مش نفاق
إنسانيه تحمي الحياه
ونعيش بأمان من غير أوهام
كنا صوره حلوه ناقصه
وهو كملها بلمعه عنيه
كنا كلام ناقص حروف
وأرواح ماليها الخوف
عايشه تايهه في الملكوت
تحت رحمه الظروف
ووسط شر النفوس
وبشر تغدر.. تخون
لما عرفنا الإنسان
و شوفنا نقائه وأمانه
في وسط زحام
رجعت الحياه تفرح معاه
والأمل يرد الروح
والحروف بقت مواوويل
تتغنى بيه في كل زمان
أجمل نعمه من الرحمن
لحياه تعبانه من غير إنسان
يرسم بروحه معنى الحياه
ويبقي للنقاء عنوان
كنا قبله حاجه تانيه
جسد من غير روح
وأيام من غير حياه
ومن غير لما نعرفه
كانت عنينا مشرده
والحياه فيها ملوثه
كنا ذي طفل تايهه
والطريق من غير علامه
طفل نفسه يشوف سلامه
يرجع لحضن أمه وبأمانه
يشوف حياه من غير ديابه
فيها الوفاء كلمه واضحه
والإخلاص حقيقه عايشه
ترجع الأيام مع الإنسان
ونقول ده واقع ولا خيال؟!!
