للشاعر محمد مندور
والله ياناس العقل إحتار
……… وأصبحت ماني عارف أيه إللي أصبح بيصير
والوضع ماعاد يتحمل أعذار
……… وبوقت الأزمه الآمر فعلاً صار خلاص خطير
وكله من ظُلم وجشع التجار
……… وماعاد فيه أبداً نخوه وذمه ولا حتي ضمير
كل شيئ أصبح غالي و نار
……… وكلاً بيتنصل من المسؤليه ويحملها للغير
فين التجاره ومراقبه الأسعار
……… وفين حمايه المستهلك وحق الجار والفقير
ناس عيشتها فول ومخلل وسرار
وناس برجر وكباب وبِرسو ومندي و عصير
والدوله لازم تأخذ موقف جبار
……… ويكون فيه محاسبه لكل شخص كبير وصغير
ياالله تنقذنا من جشع الفجار
……… وتكفينا عذاب القبر وفتنته وشر منكر ونكير
وأسواق بلدنا والله دمار
……… كركبه وزحمه وكلام من طراطيف المناخير
لأبد من تنظيم لجل ست الدار
……… لكي نجنبها العدوي ويكون تباعد وتحذير
والمرض عمره بيوم ماكان عار
……… أحمد ربك وإشكره وبلاش أقوايل وتفاسير
وربي يكفينا ويكفيكم شر الأشرار
……… ويشفي مرضانا ويرحّم أمواتنا وإختنا تيسير
والموت حق ومالينا عنه خيار
……… وهذا دربنا جميعا ولابد كلاً منا له يسير
وشباب بلدنا وأقفين موقف شطار
……… والكل بدون ذكر أسماء ماجاء منهم تقصير
وأخص بالشكر أطباءنا الأبرار
……… وجيشنا الأبيض د أمجد د أسامه د وأمير
وأقطارنا العربيه وأهالينا الاحرار
…….مواقفهم مشرفه والله يعدّي الأزمه علي خير
ربي يجعل مصر بلدنا دأيم عمار
……… وتوفق طلاب الثانويه وتسهل لهم كل عسير
الشاعر
محمد مندور
جمهوريه مصر العربيه
محافظه الغربيه مركز قطور قريه صرد
