ضاربة الودع
بقلم محمدابوالحسن
أبيِّن زِين أبيِّن
واوَشوِش ألواااااادع
إللى نفسه فى عروسه
حلوه
وإللى عاوزه عريس
جااااااااادع
بنقرّب البعيد
ونحرّرالعبيد
وكل يوم جديد
وبنعمل البِدَع
…………….
تعالِى ياسِت يابتاع
الودع
……………..
على عينى ياجدع
إرمٍى بياضك وقوللى
مالك
وإيه فيك إتوجع
……………..
قلبى بينْقَح عليّا
وروحى واقعه فى
رِجليَّه
ومش عارف أنام
من شِدِة الفزع
…………….
تعالَى ياحِيله وبطّل دلع
خُد وشوِش الودع
وقوله عاللى فيك
وماتبقاش دِلِع
وجهِّز البقشيش
واوعَى تقول مفيش
لاأزيدك من الوجع
…………….
طيب ياستى
أدٍينى وشوِشت الودع
قوليلى عاللى فيه
قلبى هيتخلع
———–‐—–
نجمك عالى والله
ياحيله
والسعد هثشُوفُه ألليله
وهيبقالك عِزوه وعِيله
هيجوِّزك واحده طويله
هيَّه هابله وماسكه
طبله
لكن قلبها طيب وأصيله ورزقها واسع بس عويله
وهتملالك الدار عِيال
كل فُوله ياخويا ولها
كيّال
داهيَه تقْطع الكُل كلِيلَه
ياله يااخويا أنا بشَّرتك
وفقعت مرارتك
جهزحالك وأعمل هُلِّيله
خلينا نشوف أكل عيشنا
يُووووه نسِيتنى جَتَك
نِيله
إطلع بالحلاوه
ياابوطويله
وابين زين أبين
واوشوش
الواااااااااااااااااااااااادع
محمدابو الحسن
