الشاعر / محمد غبن
شاعر آل غبن
هي ليه الدمعه دايما
ساكنه جوا فى القلوب
ليه النفوس بتفضل
كدا متحجره زى طوب
ليه الحنان تحس إنه متقسم
على أد ناس بس يدوب
مع إنه كلنا جنس واحد ولا دى
تصنيفها لازم تتقهر يوم وتتوب
دول مجنى عليهم مايملكوا
غير اللقمه وشربة ميه وهو توب
فى رأيى إن الظلم ثابت مش
بيتعظ ولابيرجع عن الذنوب
وهى دى مشكله وصبحت
كبيره متأصله بين أفراد الشعوب
حتى ولو كبارهم فى الظلم
صنعوا ميت فيروس وميكروب
ينصبوا لبعض المكايد مفيش
خوف من ربنا ولارجوع
ولا حتي لحظة إستغفار
فى صلاه يكون فيها خضوع
يسجدوا فيها لربنا بنقاء
قلوب ساكنها تزلل وركوع
ياإلهنا محتاجين رحمتك قلوبنا
ملك يمينك وفيها خشوع https://www.elmasryeldemokraty.com/%D8%A7%D9%84%D9%86%D9%81%D9%88%D8%B3-%D8%A7%D9%84%D9%85%D8%AA%D8%AD%D8%AC%D8%B1%D8%A9-%D9%84%D9%84%D8%B4%D8%A7%D8%B9%D8%B1-%D9%85%D8%AD%D9%85%D8%AF-%D8%BA%D8%A8%D9%86/
