قصيده بعنوان — الزمن —
بقلم الشاعر محمد سعدون
اه من زمن أسى —- غدر بيه وبكاني
خطفنى من فرحتي —- و عالهموم وداني
لا يوم الحزن راح مني —- ولا مره الفرح يوم جاني
روحت سوق الغرم —– اشوف حبيب يهوانى
لايت الاحبه في الهنا —– وانا في الحزن وحدانى
لا حد يوم قربلى —– ولا حد في يوم نداني
الدمع سال من عيني —– والحزن ذاد. وخلاني
اصرخ واقول اه —— من جرح الدنيا وزماني
روحت اشوف بختي — يمكن يضحكلى من تانى
لايت البخت مال بيه — والشقي والغم عنوانى
وطريقي اتقفل وانسد — واخره دمعي واحزاني
سالت الحظ وانا ببكي — ليه الدنيا ظلماني
قال مكتوب عليك الشقي — وتعيش العمر وحدانى
