الوداع
عايشين بنهرب م الوداع
جوانا معنى الحب ضاع
بس الحقيقة مش كلام
ولا لمسة الأيد والسلام
ولا حتى بسمة ع الشفاة
دي الحقيقة حاجة تانية
هتحس بيها ولو ف ثانية
مش هاقولك خد وهات
ولا حتى أمشي من سكات
لو أنت حاسس باللي فيا
عينيك هتبكي سنين عليا
قهرتني…..وتعبتني
وف النهاية دي غلطتي
إني أمنت بحبي ليك
وإني ضعيفة قدام عينيك
وإني أسيرة أنا بين أيديك
ومن النهاردة أنا أكتفيت
هأكسر بأيدي الجدار
وها خُد معاك أخر قرار
مبقتش أخاف أنا م الوداع
الوداع والضّياع
كنت زمان بقولها ليك
خليك هنا وبلاش فراق
تقول يومين وتغيب سنة
خلتني أحس أنا بالضياع
أنا كنت بضحك من همومي
وف عز جرحي وعز لومي
وكفاية عندي تكون واحشني
وفاكره دايما باشتياق
أنك حبيبي وأنك عايزني
خلتني أكره يوم حقيقتي
وأنت بتقول يا حبيبتي
لو كنت حبيت حد قاسي
أحسن لقلبي يكون خلاصي
ده الحب أكبر م الكلام
ولمسة الأيد والسلام
لو أنت جاي تقول وداع
هأقولها ليك أنا من سكات
خليتني أحس أنا بالضياع
الوداع يلا الوداع
خلتني أحس أنا بالضياع
الوداع يلا الوداع
الوداع بقلم /محسن رجب جودة
