أدب
مستنى أية للشاعر عبد المنعم حمدى رضوان
عبد المنعم حمدى رضوان
مستنى أية أنا أيدى ممدودة
ومنتظرة لمسة ايديك
لو يوم بعدت رحت وعاندت
أكيد راح تبكى عينيك
ولاعمرك تلاقى قلب يحبك
زى قلبى ويشتاق اليك
صعب تلاقى فى الزمن ده
حد يحبك ويخاف عليك
ياما حاولت أراعى ودك
غلبت أصالحك وأراضى فيك
وفى كل مرة أغفر وأسامح
انا اللى حبك ومشتريك
تملى بتسوق فى دلالك
وأفضل أحايل فيك وأراضيك
مرة فى مرة خلتنى أقسى ومن
عمايلك قسيت عليك
م كنت ملكك وطوع امرك لحد
مضيعتنى من ايديك
الشاعر/ رضوان
