ثلاثية الأسره السعيدة للشاعر عبد المنعم حمدى رضوان
ثلاثية الأسره السعيدة
للشاعر عبد المنعم حمدى رضوان
هى وهو
ما تشوفي نغشيه ولاعبيه
واتبسمى واظهرى الفرحه
ولما تشوفها افرد بوزك وفك
تكشيرتك وافرد السحنه
لما تقابلية قولى اهلا حبيبي
نورت وشرفت لك وحشه
ولما تشوفها خدها فى حضنك
ضمها بموده وبرحمه
لو تزعلوا اختلفوا بس بهدوء
بالراحه وبعقل وبحكمه
وراعوا مشاعر بعضكم واحفظوا
الود وابقوا على العشره
وفى النهايه هترجعوا لبعض طب
ليه الخناق والفرقه
(٢)
بنت ناس
بنت ناس اخترتها تشاركك حياتك
حافظ عليها
كبروها وعلموها وجهزوها ودها
واحسن اليها
ربنا قال اكرموها يا كرام والرسول
وصى عليها
لية تسئ لها في المعامله ليه تهنها
وانت راعيها
افتكر الفظاظه من الغباوه والقساوه
بكره تعانيها
القوامه مش بالاهانه ولادى رجوله
وانت حاميها
ودها واخلص لها وشيلها فى عينك
وحس بيها
فتح بيتك شايله همك وام ابنك
بوس ايديها
صون مقامها بين جيرانها وعزها
اوعى تعاديها
نسمة بارده وشمعه قايده منوره
ضلل عليها
ابتسم وبكلمه حلوه اجبر خاطرها
واشتريها
(٣)
دلعية
جوزك يا بنتي دلعيه حقه عليكى
تبسطيه وتدلليه
خديه فحضنك احتويه بالحنان
والامان حسسيه
على طول في وشه اتبسمى ليه
تعقديه وتنكديه
خليكى ناعمه في التعامل بالود
وبحنانك اغمريه
بالمشاكسه والخناق وبالمكابره
والعناد هتخسريه
برقتك وحنيتك وبالمسايسه
تملكيه وتفوزى بيه
حقك تعاتبي وتشتكى بس
اختارى امتى تكلميه
خلى الخلاف بينك وبينه سرك
في بيتك احفظيه
وحافظى على علاقتك بعيلته
بودهم ليه تحرجيه
ابوالعيال راعي وصاله يحفظ
مقامك لو تحفظيه
يا بنتي ايه اخر النكد هو انت
لازم تقرفى وتقرفيه
من الاخر دلليه
وهننيه
ودلعيه
وانت فى الاخر هتكسبيه.
