تصدرت النجمة يسرا اللوزي مؤشرات البحث على جوجل، وذلك بعد تعرضها للتنمر من قبل متابع وصفها بـ”أم الطرشة”، في إشارة إلى معاناة ابنتها من ضعف السمع.
لكن قررت يسرا أن ترد بطريقة قوية وردت على المتابع قائلة: “شكرًا على ذوق حضرتك.. أنا قررت استغل كلامك اللطيف عشان أقدم شوية توعية بخصوص هذا المصطلح، أولًا، المصطلح الصحيح والمقبول هو الصم وضعاف السمع، وليس الطرش أو البكم، ثانيًا، أحب أعبر عن فخري بكوني والدة طفلة صماء لأنها علمتني حاجات كتيرة جدًا وبقيت بني آدمة أم أحسن بسببها، وأنا متأكدة إنها هتطلع إنسانة مثقفة ومتفوقة ومش هتبقى محتاجة حد عشان تحقق أحلامها”.
وتابعت: “ثالثًا، البنت الصماء دي هي اللي ألهمتني إني أتكلم في البرامج وأطالب بالكشف المبكر للمواليد اللي على أساسه كل المصريين هيتعملهم كشف سمع عند الولادة، وده المفروض يساهم بشكل إيجابي في حياة عائلات كتير وهيسمح للأطفال الصم وضعاف السمع إنهم يلاقوا الدعم منذ الصغر عشان يقدروا يتعلموا كويس وما يبقوش عبء على حد، بل بالعكس هيكونوا قادرين يندمجوا في المجتمع المريض للأسف، فبالتالي الطفلة الصماء دي ليها إنجازات أثرت على شعب كامل رغم إن عمرها 6 سنين، ياريت توضحلي بقى حضرتك أنجزت إيه في حياتك؟ شكرًا”.
وعلقت النجمة زينة: “عارفين يعني ايه ام !! يعني حب وتضحية ومعاناة وعطاء وتعب ومسؤلية وحاجات كتير مالهاش وصف …عارفين يعني ايه طفل او طفلة !!! يعني مستقبل وحياة وعمر جاي وتفاؤل وحب …عارف يعني ايه تعاير طفلة يعني الشيطان نفسه يخجل انه يعمل كده يعني انت لا شيطان ولا بني ادم انت حاجه مالهاش وصف !!”.
وتابعت: “انت مخلوق ضعيف ومريض مرض مالوش تشخيص ..الطفلة دي ميزها ربنا واختبر امها اختبار صعب نجحت وجاهدت وحاربت واشتغلت علشان تقف جنب بنتها اللي مايشرفهاش تعرف امثالك منك لله وربنا هو اللي قادر ينتقم منك يا معدوم القلب والضمير والرحمه والإنسانية”.
وليست هذه المرة الأولى التي تتعرض فيها يسرا للتنمر، حيث واتهامها الجمهور بإجراء عمليات تجميل بعد ظهورها بوزن زائد.
وعلقت على ذلك : “أنا متفهمة لية الناس بيفتكروا الممثلات بيعملوا عمليات تجميل، وأنا مش هنفي الموضوع، ولكن كان هناك تنمر بخصوص الوزن، وهذا لأول مرة أعاني منه، واستغربت إنه إحنا في مجتمع شرقي وأجسام السيدات ليست مثل الأوروبيين، وأكيد اللي علقوا على الصورة عندهم ناس أنجبوا وفاهمين ده”.
وكانت يسرا تصدرت مؤشرات البحث من قبل وهاجمها الجمهور منذ أسابيع، حيث ظهرت “يسرا” في الصورة ببطن مكشوف ، مما أثار غضب الجمهور بسبب جرأة الصورة.
وعلقت على صورتها :”حبيت أشارك جمهوري جانب مختلف و جديد من شخصيتي، و تأثير الأمومة و مخاوفها على كل حاجة فى حياتي..شكر خاص لكل من ساهم فى هذا المقال”، في إشارة لتجربة الحمل والولادة أثناء فيروس كورونا .
