بقلم / مصطفى كرم
صحيح توب المرجلة غالي
حكمة سمعتها وديما على ببالي
قالها لي جدي زمااااااان
وفضلت معايا طول الليالي
أوعاك يابني تبيع أرضك
حافظ عليها وصوتها
أصلها من عرضك
هي الدفا والخير
لو مال عليك دهرك
وفوق تراب أرضها
كبر قوام زهرك
لا مرة تعبت منك
ولا قالت كفاية مرك
الأرض يابني سكن
وقت الشتا تحميك
حتى لو جه خريفها
عمرها ما ترميك
أخلص ليها ف حبك
تلاقيها راضية عليك
تديك من خيرها ديما
رزق وكنوز تكفيك
ياما كتير باعوها
من غير تمن ورموها
شايفينها تراب عفن
في أي مكان يلاقوها
راحوا لحضن غيرها
ونكروا جمايل خيرها
مشافوش غير الإذلال
ودا دين للي ناكرها
لكن شوف فعل الرجال
علشانها الروح بتهون
ولو كان حمل جبال
يشيله بصدر حنون
واللي يعرف قيمتها
لا يمكن مرة يخون
