ورينا بركاتك يارمضان
بقلم محمدابوالحسن
والله بعوده يارمضان
فاضل أيام وتودعنا
وانا عارف إنك واخد
على خاطرك
وكمان هتروح زعلان
وزعلك غالى قوى علينا
ماانت عارف معزتك
وغلاوتك من زمان
وعارف أد إيه بتوحشنا
وبنستناك من العام للعام
وبننسى معاك همومنا
وأحزانّا
وأيامك بتعدى أوام
خيرها فى غيرها
يارمضان
لولينا عمر هنفضالك
ونقابلك كده بالأحضان
ونعيش أيامك ونصومك
بخير وسلام
زى ماكنا بنعيشها
ونصومها زمان
بس ياريت تشفع لينا
عند الرحمن
عاوزين نفرح ونعيٍّد
فى سلام وأمان
وكفايه علينا إللى تعبنا
أشكال والوان
وحبس الرجاله فى
زنزانه وياالنسوان
والدنياواقفه وفى شوق
ولهفه
يتفض المولد وكورونا
يدينا أمان
ونرجع تانى للمتنا
ونظبط من تانى حياتنا
ونسلم بالإيد عالجيران
ونبوس أهليناونحضنهم
وحشونا والله
واشتقنالهم
والقسوه نسيتنا الحنان
ورينا بركتك يارمضان
إوعى تروح كده وتسبنا
لاترجع تانى تلاقينا
فى خبر كان
بقلمى محمدابوالحسن
