هي دى أصل الحكايه
بقلم مصطفى سبتة
الحكايه مش حكايه نصر تم
ومش حكايه كل رمله فيها دم
هي دى أصل الحكايه م البدايه
قولها صعب وقالها شعب
تسمعها رعد تشوفها رعب
الحكايه كل شبر بيبكي فيكي
يبكي فينا كل حته وكل حفنه
ف رمل سينا بتنادينا كل ضحكه
بسرعه تبهت م الكسوف
كل فرحه بتستخبي فيها خوف
كل ام تقول ضنايا دمه ساح
دمه راح .. راح بلاش خد في وشه
وقال لي رايح راح مجاش
كل كلمه اااه تحت زل الإحتلال
كل إيد مكتوفه بتبكي
الرجال كل دمعه بقهر
تخرج م الخدود مش لاقيه مخرج
م العنين كل كلمه مصربسمعها
قلبي دمه ينزف بالسنين
الحكايه بطلها شعب قال احتلال
ارادتي صعب ومستحيل
دي الكرامه بندرسها جيل لجيل
ومناخيرنا دايما بتخبط ف السقوف
الحكايه بطلها شعب امه نادت
جم يلبوا بالألوف الله أكبر زلزلت
حصن الحصين الله اكبر كممت
فوه المدافع لخبطت حال الكمين
اتشل حال عدونا ودماغه طارت
والدم جوه قلوب ولادنا عروقهم فارت
ولما احمد ويا مينا قال يارب
والعدالة جلجلت وميزانها طب
والإرادة قمه عاليه ف السما
الله أكبر تملا كل الدنيا
نصر حرب نصر حرب وحرب نصر
نصر يعبر نصر يجبرنصر يملا الكون
بمصرمصر تحيا تحيا مصر
الحكايه وبساطه الحكايه هي مصر. 
